Хаартыска: ааптар тиксэриилэрэ
Итинник ааттаах дьоро күн Михаил Пухов дириэктэрдээх Лөгөй интэринээт-лиссиэй оскуолатыгар бэрт тэрээһиннээхтик ыытылынна. Үгэскэ кубулуйбут сахалыы дириҥ өйдөбүллээх иитэр-үөрэтэр суолталаах күн үөрэнээччилэр, учууталлар, бары үлэһиттэр сахалыы таҥнан кэлбиттэрэ киһи эрэ сүргэтин көтөхтө.
Мин Елена Михайловна Старкова салайар бэһис кылааһын үөрэнээччилэригэр кылаас чааһыгар ыалдьыттаатым. Кылаас чааһа Ынахсыт айыыга анаммыт алгыһынан саҕаланна. Кытыан оттоох буруонан, кэҥсик сытынан арчылааһын сиэрин оҕолор олус сэҥээрдилэр.
Дьэ, ити кэнниттэн саха тылын уонна литэрэтиирэтин учуутала Варвара Семёновна Петухова «Идэһэ диэн тугуй?» диэн ыйытыгыттан сахалыы тургутук оонньуута ыытылынна. Салгыы былыр ынах сүөһүнү хайдах идэһэҕэ анаан тутталларын, ханнык сиэри тутуһалларын туһунан кэпсээммин бэркэ диэн кэрэхсээн иһиттилэр. Кэккэ ыйытыктары биэрэн билиилэрин көрдөрдүлэр. Ынах-сүөһү саастарынан араарыллыытын туһунан оонньотуу ыытылынна. Дьөһөгөйгө, ынахха туһуламмыт өс хоһооннору, аабырыннары таайыыга Арсен Чириков, Марк Олесов, Саян Борисов, Давид Борисов, Дамир Прядезников тэҥнээхтэрин булбатылар.Ынах ааттарын ким төһөнү билэригэр оонньуу интэриэһи тарта. Бэһис кылаас сэргэх, чобуо уолаттара, сэмэй,намыын кыргыттара алаадьынан, убаһа этинэн күндүлэннилэр, сэмэй бириистэри тутан үөрдүлэр. Ону сэргэ саалаҕа тардыллыбыт анал остуолларга идэһэ дьаарбаҥкатыгар астаан аҕалбыт астарын атыылаан, кылаастарыгар туттарга сэмэй кылааттарын киллэрэн астыннылар.
Бу маннык тэрээһин сылын ахсын ыытыллан, оҕолорго сахалыы тылы, сахалыы тыыны сайыннарар.
Ульяна БУРНАШЕВА-УЙАНА, Уус Алдантан олохтоох ааптар
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…