Хаартыска: ааптар түһэриитэ
Күһүҥҥү киһи күлбүтүнэн… Хас биирдии саха ыала идэһэ амсайар күүтүүлээх күннэрэ кэлиэхтэрэ. Сэтинньигэ ким туох сүөһүнү быйыл туттубутун чугас дьонун кытта үөрэ-көтө үллэстиэҕэ. Идэһэ кэмэ чугаһаабытынан Майа сэлиэнньэтин олохтооҕо, үлэ бэтэрээнэ, рационализатор Константин Лонгинов саҥа оҥорбут тэриллэрин аҕалан көрдөрдө.
Бу туһунан «Эркээйи эргиирэ» хаһыат суруйар. Константин Лонгинов бу сырыыга сүөһүнү элбэхтик охсон эрэйдээбэккэ охторор ньыманы толкуйдаан, ыһыы өтүйэнэн саайыллар уһуктаах тимири оҥорбутун билиһиннэрдэ. Маннык ньыманан сүөһү биирдэ эрэ охсуллаат, тута охтор.
Ол кэннэ тириитин сүлэн баран, икки тэҥ өлүүгэ сиһинэн аҥардыырга сүгэнэн сиирэ-халты охсон эти алдьаппат туһуттан сүгэттэн кэтит, хаптаҕай итиэннэ сытыы биилээх тэрили айан оҥорбут. Тэрил хомуллар-ыһыллар, биилээх өттө анал хааҕа угуллар. Бу ньыманан бэйэ туттар идэһэ сүөһүтүн, сылгытын дьиэ таһыгар, сылгы баазатыгар да астыахха сөп. Маннык тэриллэринэн икки киһи кылгас кэмҥэ идэһэ сүөһү этин ыраастык уонна түргэнник дьаһайар. Тускутугар туһаныҥ.
Марелла Баишева.
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…