«Идэтийии» чөмпүйэнээт Саха сиринээҕи түһүмэҕин «Ойууру туһаныы уонна чөлүгэр түһэрии инженерията» салаатын кыайыылаахтара билиннилэр

Олунньу 19-21 күннэригэр «Идэтийии» чөмпүйэнээт «Ойууру туһаныы уонна чөлүгэр түһэрии инженерията» салааҕа идэтийии маастарыстыбата чөмпүйэнээт Саха сиринээҕи түһүмэҕэ буолан ааста диэн СӨ Экологияҕа министиэристибэтэ иһитиннэрэр.

Үс күн устата кыттааччылар идэтийиигэ бэлэмнэрин көрдөрөн, модульнай систиэмэни туһанан сорудахтары толордулар.

Экология министиэристибэтин исписэлиистэрэ Варвара Федорова уонна Илона Максимова күрэхтэһээччилэр үлэлэрин сыаналаатылар.

Ол курдук, бастакы үс миэстэ кыайыылаахтарынан устудьуоннар буоллулар:

1 миэстэ – Дьокуускайдааҕы тыа хаһаайыстыбатын техникумун «Ойуур уонна ойуур пааркатын хаһаайыстыбата» исписээлинэс 2-с куурсун устудьуона Каролина Тимофеева;

2 миэстэ – Дьокуускайдааҕы тыа хаһаайыстыбатын техникумун «Ойуур уонна ойуур пааркатын хаһаайыстыбата» исписээлинэс 2-с куурсун устудьуона Егор Харитонов;

3-с миэстэ – Үөһээ Бүлүүтээҕи техникум «Ойуур уонна ойуур пааркатын хаһаайыстыбата» исписээлинэс 3-с куурсун устудьуона Сергей Николаев.