ИДьМ бэтэрээнигэр ханнык социальнай өйөбүл көрүллэрий?

ИДьМ бэтэрээнигэр ханнык социальнай өйөбүл көрүллэрий?

17.04.2024, 16:50
Хаартыска: Андрей Сорокин, СИА.
Бөлөххө киир:

Сүүрбэттэн тахса сыл ыстаастаах Ис Дьыала министиэристибэтин үлэһиттэрэ бочуоттаах сынньалаҥҥа тахсыахтарын уонна судаарыстыбаттан социальнай төлөбүрдэри аахсыахтарын сөп.

Манна бэлиэтиир наадалаах, Ис дьыала уорганнарын биэнсийэлээхтэригэр уонна ИДьМ бэтэрээннэригэр социальнай өйөбүллэр уратылардаахтар. Бүгүн, муус устар 17 күнүгэр, Ис Дьыала уорганнарын бэтэрээннэрин күнэ.

Сокуон ирдэбилинэн «Ис Дьыала министиэристибэтин бэтэрээнэ» ыстаатыс ананар:

— үлэ ыстааһын докумуонунан бигэргэтиигэ: эр дьоҥҥо 25 сыл, оттон дьахталларга 20 сыл;

— дойду Бэрэсидьиэнин Бочуотунай грамотата, үтүө суобастаах сулууспаҕа кылаатын иһин мэтээллэр уонна уордьаннар баар буоллахтарына.

ИДьМ биэнсийэлээхтэрэ маннык социальнай өйөбүллэри ылар бырааптаахтар:

  • уопсастыбаннай тырааныспарга чэпчэтии,
  • чэпчэтиилээх мэдиссиинэ уонна санаторнай-курортнай путевканан хааччыйыы,
  • быраас ырысыабынан эминэн-томунан хааччыйыы,
  • нолуок кээмэйин намтатыы,
  • хомунаалынай өҥө сыанатын аччатыы,
  • 75% биэнсийэлээххэ уонна дьиэ кэргэн чилиэннэригэр 50 % санаторийга чэпчэтиилээх путевка,
  • сылга биирдэ босхо айан-сырыы төлөбүрүн толуйуу.

Оттон ИДьМ бэтэрээннэригэр эбии маннык социальнай өйөбүллэр көрүллэллэр:

  • куорат уонна тимир суол тырааныспарыгар чэпчэтиилээх сырыы,
  • хамсаабат баайга-дуолга нолуогу намтатыы уонна бас билиигэ баар биир хамсаабат баай-дуол эбийиэгэр нолуоктан босхолонуу.

Маны таһынан ИДьМ бэтэрээнэ хомунаалынай өҥөлөрүн аҥарын эрэ төлүүр бырааптаах.

Санаттахха, быйыл алтынньы 1 күнүттэн Ис Дьыала уорганнарын үлэһиттэригэр уонна байыаннайдарга биэнсийэлэрэ 4,5 бырыһыан үрдүөҕэ.

«Ис Дьыала министиэристибэтин бэтэрээнэ» ыстаатыһы анатарга Элбэх өҥөнү оҥорор Кииҥҥэ эбэтэр Социальнай пуонда отделениетыгар сайабылыанньа суруллуохтаах. Онно үлэлээбит ыстааһы уонна наҕараадалары бигэргэтэр наадалаах. Ирдэнэр докумуоннар: ИДьМ биэнсийэлээҕин дастабырыанньата, байыаннай билиэт, үлэ киниискэтин куоппуйата, СНИЛС, 3х4 хаартыскалар, наҕараадалар, уордьаннар уонна мэтээллэр докумуоннара.

+1
3
+1
0
+1
0
+1
0
+1
0
+1
1
+1
0
Бары сонуннар
Салгыы
24 мая
  • 13°C
  • Ощущается: 11°Влажность: 35% Скорость ветра: 0 м/с

Сообщить об опечатке

Текст, который будет отправлен нашим редакторам: