Хаартыска: pxhere.com/ru/photo
Соторутааҕыта дойду киин сонуну тарҕатар ситимнэригэр массыынаны даачаҕа өрөмүөннээһин иһин ыстараап төлүөххэ сөп диэн суруйбуттара. Кистэл буолбатах, элбэх киһи массыынатын даачатыгар өрөмүөннүүр, аймахтара, доҕотторо да тиийэн тимир көлөлөрүн көрүнэллэр. Онон тустаах сонуну бэрт эбээт дии истибэтэхтэрэ чахчы.
Ол эрээри, бу күннэргэ Арассыыйатааҕы ИДьМ официальнай бэрэстэбиитэлэ Ирина Волк бу курдук хааччахтааһын сабаҕаланыытын туһунан судаарыстыбаннай боломуочуйалаах уорганнар официальнай быһаарыылара ирдэнэр диэн суруйда.
“Массмедиаҕа бэйэлэрин даачаларын учаастактарыгар массыыналарын өрөмүөннэнэр хаһаайыттар ыстараапаныахтарын сөбүн туһунан иһитиннэрии тарҕанна. Манан сибээстээн, Арассыыйатааҕы ИДьМ быһаарар. Массыыналаах, матасыыкыллаах дьон сир уонна экология сокуонун нуорматын кэһиилэрин иһин административнай эппиэтинэскэ тардыы боппуруоһа Госавтоинспекция боломуочуйатыгар (компетенция) киирбэт.
Бу курдук хааччахтааһын сабаҕаланарын туһунан судаарыстыбаннай боломуочуйалаах уорганнар официальнай быһаарыылара ирдэнэр” – диэн тус телеграм ханаалыгар суруйда. Онон сүгэ түһүөр диэри дүлүҥ сынньанар диэбиттии, онуоха-маныаха диэри ити туһунан умна түһэбит. Ол эрээри, кэлин экология боппуруоһа сытыытык турарынан сибээстээн, ити да ыстараап уһуннук кэтэһиннэрбэтэ буолуо диэн сабаҕалыахха сөп.
Нерюнгри куорат үбүлүөйүгэр «Северяночка» норуодунай үҥкүү ансаамбыла (уус-уран салайааччы – Арассыыйа Федерациятын култууратын үтүөлээх үлэһитэ…
Сэтинньи 4 күнүгэр Арассыыйаҕа Сомоҕолоһуу күнэ бэлиэтэнэр. Сорох дьон этэринэн, 2005 сыллаахха тэриллибит бырааһынньык күн…
Саха сирин синоптиктарын билгэлэринэн бүгүн, сэтинньи 4 күнүгэр, Саха сирин үгүс оройуоннарынан тибии, хаар түһэр.…
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…