ИДьМ Судаарыстыбаннай өҥөҕө дьон аккаунун алдьатыы саҥа ньыматын туһунан иһитиннэрбит

Арассыыйатааҕы ИДьМ үөрэнээччилэр электроннай сурунаалларын, испииһэктэрин эбэтэр “Сферумҥа” үөрэнээччи сүрүн туһанар сирэйин (профиль) саҥардыҥ диэн куоһурданан, түөкүттэр судаарыстыбаннай өҥө порталыгар дьон аккаунун алдьатар соруктаах саҥа ньыманы толкуйдаабыттарын иһитиннэрбит. Бу туһунан ТАСС суруйар.

“Түөкүттэр үөрэх тэрилтэтин салайааччытын эбэтэр педагог аатыттан төрөппүттэргэ электроннай сурунаалгытын, үөрэнээччи испииһэгин эбэтэр “Сферумҥа” үөрэнээччи сүрүн туһанар сирэйин (профиль) саҥардабыт диэн төлөпүөннүүллэр” – диэн иһитиннэриигэ этиллэр.

Дьон итэҕэйэрин курдук түөкүттэр оскуола дьиҥнээх үлэһиттэрин дааннайдарын ылаллар, дьон сирэйин, куолаһын үтүктэр оҥоһуу өйү (дипфэйк технология) итиэннэ уларытыллыбыт нүөмэрдэри туһаналлар эбит. Үөрэх бырагырааматын саҥардарга үөрэнээччигэ оскуолаттан эрийиэхтэрэ, сэрэтиҥ дииллэр эбит. Оҕону кытта кэпсэтэн баран кини төлөпүөнүгэр кэлбит СМС-иһитиннэриигэ баар нүөмэри этэригэр итэҕэтэллэр. “Бигэргэтэр кодунан тустаах киһи Судаарыстыбаннай өҥөҕө порталын акканугар киирэллэр уонна салгыы кини оннугар толору туһаналлар” – диэн биэдэмистибэ үлэһиттэрэ бэлиэтээбиттэр. Бу туһунан ТАСС суруйар.