Эр киһи ИДьМ сулууспата үлэҕэ ылартан аккаастаабытын суукка үҥсүбүт

Дьокуускай куорат олохтооҕо Ис дьыала министиэристибэтэ үлэҕэ ылыыттан аккаастаабытынан суукка үҥсэн тиийбит. Эр киһи туох баар наадалаах докумуоннары биэрбитин бигэргэтэн, кэһиллибит быраабын чөлүгэр түһэрэргэ,  кандидатуратын көрөрү эбээһинэстииргэ, ону таһынан моральнай хоромньу иһин 50 тыһыынча солкуобайы уонна суут ороскуотун төлөтөрү ирдээбит.

Ол гынан баран, суут быһаарбытынан, сайабылыанньа суруйааччы 19 төгүл административнай эппиэтинэскэ тардыллыбыта, ол иһигэр бырааба суох итирик туруктаах массыына ыыппыта биллибит. Урукку үлэтин миэстэтиттэн мөкү характеристика киирбит, оттон ИДьМ психофизиологическай чинчийиитин түмүгэ дьүһүнэ боломуочуйатын аһара туһаныан сөбүн көрдөрбүт. Суутунан ИДьМ быһаарыыта сокуоннайынан билиниллибит. «Бастакы инстанциянан ылыныллыбыт быһаарыы уларыйыыта суох хаалла, быһаарыы сокуоннай күүһүгэр киирдэ, – диэн СӨ Үрдүкү Суутун пресс-сулууспата иһитиннэрэр.