Хаартыска: ИДьМ пресс-сулууспата.
Кыайыы 80 сыллаах үбүлүөйүн көрсө, СӨ Ис дьыалаҕа министиэристибэтин састааба уонна Уопсастыбаннай Сэбиэт бэрэстэбиитэллэрэ «Кыайыы дьыктаана» норуоттар икки ардыларынааҕы патриотическай аахсыйаҕа кытыннылар.
Быйыл аахсыйа Арассыыйа бары куораттарыгар уонна 60-тан тахса дойдуга ыытыллар. Устуоруйа дьыктаанын сүрүн сыалынан Аҕа дойду Улуу сэриитин түгэннэрин үөрэтэргэ дьону-сэргэҕэ, ыччакка сырдатыы уонна патриотическай иитии буолар.
Бу аахсыйаны өйөөн, ИДьМ үлэһиттэрэ уонна ИДьМ идэҕэ бэлэмниир киинин истээччилэрэ бэйэлэрин билиилэрин тургуттулар. Ыйытыылар байыаннай салайааччыларга, улахан суолталаах кыргыһыыларга, сэриигэ кыттыбыт суруйааччылар уонна поэттар үлэлэригэр, ону тэҥэ аныгы историяҕа – байыаннай албан ааттаах уонна үлэ хорсун куораттарыгар сыһыаннаах этилэр.
СӨ Ис дьыалаҕа министиэристибэтин үлэһиттэрэ тэрээһин дьону гражданскай өйгө-санааҕа, патриотизмҥа иитиигэ суолталааҕын бэлиэтээтилэр, кыргыһыы хонуутугар олохторун толук уурбут саллааттарбыт үтүөлэрин умнубат туһугар маннык тэрээһиннэри ыытар наадалааҕын тоһоҕолоон бэлиэтээтилэр.
СӨ Ис дьыалаҕа министиэристибэтин иһинэн үлэлиир Уопсастыбаннай Сэбиэт бэрэстэбиитэллэрэ Дмитрий Соловьев уонна Галина Васильева «Кыайыы дьыктааныгар» билиилэрин тургуттулар уонна «Россия – моя история» историческай пааркаҕа «Треугольники судьбы» быыстапканы арыйдылар.
Дмитрий Иванович сыллата тэрээһиҥҥэ кыттааччылар ахсааннара элбээн иһэрин, тэрээһин үүнэр көлүөнэҕэ историческай түгэннэр, өбүгэлэрбит дьоруойдуу быһыыларын туһунан дириҥ билии үөскүүрүгэр олук уурарын бэлиэтээтэ.
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…