ИДьМ үлэһиттэрэ ураты, сонун бэлэх оҥордулар

Саха Өрөспүүбүлүкэтин ИДьМ сулууспатын үлэһиттэрэ Арассыыйа күнүгэр ураты, сонун хаартысканан бырайыагы сүрэхтээтилэр.

Бырайыакка бирисээгэнэн түмэр биир идэлээхтэрин араас омук национальностарын уонна итэҕэллэрин көрдөрөр хаартыскаларын социальнай ситимнэргэ таһаардылар. Бу бырайыагы олоххо киллэриигэ  А.Е. Кулаковскай аатынан Норуоттар доҕордоһууларын дьиэтэ, «Сахафильм» киинэ хампаанньа уонна «Золотник» ювелирнай маҕаһыын ситимэ үлэлэстилэр.

«Биһиги өрөспүүбүлүкэбит ураты! Арассыыйа саамай улахан эрэгийиэнэ буолар. Өрөспүүбүлүкэҕэ 140-тан тахса араас омук национальностарын бэрэстэбиитэлэ олорор, ол иһигэр сорохторо Ис Дьыала уорганнарыгар чиэстээхтик сулууспалыыллар», — диэн ИДьМ пресс-сулууспата иһитиннэрэр.