Хаартыска: ИДьМ пресс-сулууспата
Муус устар 17 күнүгэр биэдэмистибэҕэ Российскай Федерация Ис дьыалаҕа уорганнарын Бэтэрээннэрин күнэ бэлиэтэнэр. Бу бэлиэ даата 1991 сыллаахха тэриллибитэ. Ол кэмтэн ыла Бэтэрээннэр сэбиэттэрэ Ис дьыала министиэристибэтин биир сүрүн салаатынан буолбута.
Өрөспүүбүлүкэ бэтэрээннэрин Министиэристибэ салалтатын уонна үлэһиттэрин аатыттан бэлиэ даатанан полиция полковнига Владимир Арбузов эҕэрдэлээтэ. Кини тыл этиитигэр бэтэрээнэр бочуоттаах биэнсийэҕэ олорон ийэ дойду суверенитетын уонна национальнай куттала суох буолуутун салгыы көмүскүүллэр, сорохтор анал байыаннай дьайыыга кытталлар диэн бэлиэтээтэ. Владимир Михайлович анал байыаннай дьайыыга олохторун толук уурбут бэтэрээннэри полиция майора Александр Кожушконы, полиция капитана Степан Огочоновы, полиция пропорщига Федор Бурнашевы, милиция прапорщига Макар Марсысовы уонна да атын биир идэлээхтэрин ахтан-санаан ааста.
Салгыы бэтэрээннэри Ил Түмэн Бэрэссэдээтэлин солбуйааччы Александр Подголов эҕэрдэлээтэ уонна бэтэрээннэр эдэр үлэһиттэргэ ыытар профессиональнай уонна патриотическай иитиигэ уһулуччулаах кылааттарын бэлиэтээтэ, диэн ИДьМ пресс-сулууспата суруйар.
Маны таһынан Бэтэрээннэр уопсастыбаннай тэрилтэтин салайааччылара Николай Тряпша уонна Василий Васильев тыл эттилэр.
ИДьМ салалтатын, Ил Түмэн уонна Бэтэрээннэр уопсастыбаннай тэрилтэтинэн аатынан полиция полковнига Сергей Попов, отставкаҕа милиция подполковнига Николай Ефимов, отставкаҕа милиция старшай прапорщига Наталья Попова, отставкаҕа милиция прапорщига Виктор Попов уо.д.а. наҕараадаланнылар.
ИДьМ пресс-сулууспатын иһитиннэриитинэн, үөрүүлээх тэрээһини «Сюрприз» үҥкүү кэлэктиибэ, СӨ култууратын туйгуна Анна Дива уонна «02 сулууспа» биэдэмистибэннэй ансаамбыла киэргэттилэр.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…