https://pxhere.com/
Наада: 500 гр иэдьэгэй, 350 гр арыы эбэтэр маргарин, 3-3,5 ыстакаан бурдук, ыст. саахар, чаай. ньуоска суода, ньуоска уксуустаах уу, туус.
Эриллибит иэдьэгэйи арыыны кытары булкуйуллар, туус, уксуус, суода эбиллэр. Бурдук кутан тиэстэ мэһийиллэр. 1-1,5 см халыҥнаах гына тэнитиллэр. Кыра төгүрүктэри быһыллар. Тэриэлкэҕэ кутуллубут саахарга төгүрүктэр биир өттүлэрин уган ылыллар уонна саахардаах өттүнэн бүк тутуллар. Өссө саахарга уган ылаллар уонна эмиэ бүк туталлар. Ол курдук үс
муннук быһыылаах бэчиэнньэлэр буолаллар. Духуопкаҕа саһарыар диэри буһараллар.
Наада: 4 ост. ньуоска мүөт, ост. ньуоска саахар, үс устуука сымыыт, 100 гр арыы, ыст. бурдук, ч. ньуоска разрыхлитель эбэтэр 0,5 ч. ньуоска уксуустаммыт суода.
Мүөтү саахары кытары булкуйуллар, сымнаабыт арыы кутуллар, миксердэнэр. Сымыыт кутуллар уонна миксердэнэр. Онтон суодалаах бурдугу кутан булкуйуллар. Сыстыбат киэпкэ
кутан духуопкаҕа буһарыллар. Сойбутун кэннэ кремнииллэр. Кремҥэ 1 бааҥка сгущенка уонна 200 г арыы наада. Сымнаабыт арыыны ытыйа-ытыйа сгущенка эбиллэр. Крем көпсөркөй буолуохтаах.
Наада: 3 сымыыт, ыст. аҥара саахар, 1,5 ыст. бурдук, ч. ньуоска разрыхлитель эбэтэр онтон кыра суода, туус, 3 дьаабылыка, отон.
Сымыыты миксерынан ытыйыллар онтон саахар кутуллар, эмиэ ытыйыллар. Туус, разрыхлитель, бурдук эбэн баран, булкуйуллар. Дьаабылыканы ыраастаан, кыра
гына кырбаан баран духуопка киэбигэр тэнитэ ууруллар. Үрдүгэр отон таммалатыллар уонна тэниччи тиэстэни кутуллар. Духуопкаҕа саһарыар диэри буһарыллар. Остуолга эргитэн ууруллар.
«Саха ыала» хаһыат архыыбыттан
Айылҕа соһутар. Аллараа Халыма оройуонугар, Черскэйгэ, ардах түстэ. +2 кыраадыс, тыаллаах. Видеоны СӨ "Арктика суоллара"…
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…