Хаартыска Александра Троева
Олунньу 24-27 күннэригэр Казань куоракка үһүс төгүлүн ыытыллыбыт норуоттар икки ардыларынааҕы «Звёздная карусель» бэстибээл-куонкуруска Дьокуускай куораттан өрөспүүбүлүкэтээҕи үһүс көлүөнэ оскуолатын волонтёрдарын «Иэйии-Вдохновение» үҥкүү-ырыа бөлөҕө 11 киһи састааптаах баран, ситиһиилээхтик кыттан, өрөгөй кынаттанан кэллилэр.
Ол курдук, » Хореография » номинацияҕа норуот үҥкүүтүгэр Гран-при үрдүк чыпчаалынан наҕараадаланнылар. Маны таһынан сүүрбэһис төгүлүн 2023 сылга атырдьах ыйыгар Сочи куоракка ыытыллар норуоттар икки ардыларынааҕы «У САМОГО ЧЕРНОГО МОРЯ» бэстибээл-куонкуруска кыттарга сэртипикээти туттардылар.
Биир бальнай үҥкүүгэ уонна стилизованнай национальнай көстүүм көрдөрүүтүгэр I-кы истиэпэннээх лауреат, стилизованнай норуот үҥкүүтүгэр ll-с истиэпэннээх лауреат аатын сүктүлэр. Онтон ырыа номинациятыгар эстраднай ырыаҕа Валентин Фёдоров Гран-при ылан үөрүүтэ үрдээтэ. Инньэ гынан, бары сүргэлэрэ көтөҕүлүннэ, атахтара сири билбэт гына үөрдүлэр-көттүлэр.
Бэстибээл кыттыылаахтарын, Казань куорат киинигэр баар Кремль аттыгар «Амакс-Сафар» отельга олохтоотулар. Олус кэрэ былыргы историческай пааматынньык тутуулардаах куорат устун күүлэйдээтилэр, «Вечерний Казань» экскурсияҕа сырыттылар.
Ансаамбыл муус устар 16 күнүгэр Оҕо дыбарыаһыгар 10 сыллаах үбүлүөйүн бэлиэтээн кэнсиэр оҥорор. Кэнсиэркэ кэлэн кыттаргытыгар ыҥырабыт. Кэнсиэр 16 чаастан буолар.
Ытыктабыллаах аҕам саастаах дьоммутугар «Иэйии-Вдохновение» үҥкүү-ырыа бөлөҕөр өссө да инникитин үрдүк ситиһиилэри, таһаарыылаах үлэни уонна саха алмааһыныы кытаанах доруобуйаны баҕарабыт!
Александра Троева, бөлөх салайааччыта.
Мииринэй куорат 60 саастаах олохтооҕо түөрт киһини өлөрөн сууттанна. Бу туһунан СӨ Борокуратуурата иһитиннэрэр. 2023…
Хомсомуол үгүс көлүөнэ ыччакка эдэр саастарын аргыһа буолан, сыллар аастахтарын аайы күндүтүйэн иһэр өйдөбүл. …
— Оҕом Казахстаҥҥа төлөбүрдээх үөрэххэ киирбитэ. Онно нолуок вычетын хайдах төннөрүөххэ сөбүй? Төрөппүт ыйытыытыгар Арассыыйа ФНС…
Сэтинньи 6 күнүгэр үлэ бэтэрээнэ, СӨ култууратын үтүөлээх үлэһитэ, Тыл билимин хандьыдаата, Арассыыйа Бэдэрээссийэтин Билимин…
Норуоттар сомоҕолоһууларын күнүн көрсө, сэтинньи 2 күнүгэр “Арассыыйа – мин устуоруйам” түмэлгэ “Этнография улахан дьыктааныгар”…
Быйылгы кыстыкка Мэҥэ Хаҥалас улууһун “Тарат” кэпэрэтиибэ 64 тиҥэһэни атын хаһаайыстыбалартан атыыласта. Ол курдук, Бүлүүттэн…