Ил Дархан Айсен Николаев сэтинньи 10 күнүгэр Нерюнгри оройуонугар оробуочай сырыытын кэмигэр Иенгра сэлиэнньэтигэр амбулатория тутуутун бэрэбиэркэлээтэ.
Амбулатория “Доруобуйа харыстабыла” национальнай бырайыак чэрчитинэн тутуллар. Биир этээстээх дьиэ уопсай иэнэ – 180 квадратнай миэтэрэттэн тахса, тутуу уопсай сыаната — 19, 9 мөлүйүөн солкуобай, итинтэн 15 мөлүйүөнтэн тахса солкуобайа федеральнай бүддьүөттэн бэриллибитэ.
«Нэһилиэк олохтоохторо саҥа амбулатория тутулларын күүтэллэр. Биһиги хаачыстыбалаах мэдиссиинэ өҥөтүн оҥорорго бары усулуобуйаны барытын оҥоруохтаахпыт. Эбийиэги сыл бүтүүтэ киллэрэргэ былааннаммыта. Эбийиэги болдьохтоох кэмигэр тутан бүтүү улахан суолталаах”, — диэн Айсен Николаев бэлиэтээн эттэ.
Нерюнгритааҕы киин балыыһа кылаабынай бырааһа Алексей Яворскай билиҥҥитэ инженернэй ситимнэри тардыы уонна ис үлэни ситэрии хаалбытын туһунан кэпсээтэ.
Ил Дархан тутууну түргэтэтэргэ уонна эбийиэги болдьоммут кэмигэр киллэрэргэ сорудахтаата.
Амбулаторияҕа уопсай быраактыка быраастара, учаастактааҕы уонна процедура сиэстэрэлэрэ, биэлсэрдэр үлэлиэхтэрэ. Ону таһынан улахан дьоҥҥо уонна оҕолорго күнүскү сытар стационар баар буолуоҕа.
Дьокуускайга ийэ баһаарга үс кыра саастаах оҕото өлбүтүн иһин сууттаныа. Кинини сэрэҕэ суохтан өлүүгэ тиэрдиигэ…
Урбааны сайыннарыы пуондатын генеральнай дириэктэрин корпоративнай боппуруостарга солбуйааччыта Андрей Миронов социальнай ситимнэргэ быһа эпииргэ тахсыаҕа…
Сэтинньигэ уматык ырыынагар бэнсиин сыаната салгыы үрдүүрэ күүтүллэр, ол эрээри балаҕан уонна алтынньы ыйдарга тэҥнээтэххэ,…
Өрөспүүбүлүкэ үс сыллааҕы судаарыстыбаннай бүддьүөтүн дьүүллэһии чэрчитинэн, «Саха Өрөспүүбүлүкэтин нэһилиэнньэтин дьарыктаах буолуутугар көмөлөһүү» судаарыстыбаннай бырагыраама…
Ил Түмэн XIV (уочараттаах) пленарнай мунньаҕар өрөспүүбүлүкэ кэлэр үс сыллааҕы судаарыстыбаннай бүддьүөтүн бастакы ааҕыытын чэрчитинэн,…
Сэтинньитээҕи бырааһынньыктары көрсө, алта күннээх үлэ нэдиэлэтэ күүтэр. Судаарыстыбаннай Дуума Үлэҕэ, социальнай бэлиитикэҕэ уонна бэтэрээннэр…