Хаартыска: Л.Бурцева тиксэриитэ (архыып)
Нерюнгри оройуонун Иенгра сэлиэнньэтигэр бу күннэргэ табаһыт сүттэ. Кини алтынньы 4 күнүгэр үлэлиир сириттэн барбыт уонна төннүбэтэх диэн СӨ Быыһыыр сулууспата иһитиннэрэр.
Табаһат киһи доруобуйатыгар кыһалҕалаах эбит. Алтынньы 7 күнүгэр Быыһыыр сулууспа 4 быыһааччыта уонна Ис дьыала министиэристибэтин 1 үлэһитэ көрдөөһүҥҥэ тахсыбыттара, билиҥҥитэ түмүк суох.
СӨ Быыһыыр сулууспата өссө икки улууска сүппүт дьону көрдүүллэрин иһиттиннэрэр.
2024 сыл балаҕан ыйын 25 күнүгэр Өймөкөөн оройуонун Уус Ньара бөһүөлэгэр алтынньы 5 күнүгэр сүппүт 2018 с.т. оҕону көрдөөһүн үлэтэ салҕаммыта. Бу оҕо Индигирка өрүскэ сүппүт диэн сабаҕаланар. Икки бөлөҕүнэн арахсан быыһааччылар катерынан сылдьан Муома оройуонун кытта кыраныыссаҕа, 110-ча км диэри көрдөөбүттэрэ. Көрдөөһүн туох да түмүгү биэрбэтэҕэ уонна алтынньы 6 күнүгэр тохтотуллубута.
Быыһыыр сулууспа Ленскэй оройуонугар сүппүт 1960 с.т., 2024 сыл балаҕан ыйын 20 күнүгэр сүппүт киһини көрдөөһүнү хонтуруолга тутар. Сүппүт киһи Ленскэй улууһун Бэчинчэтигэр соҕотоҕун олорбут, доруобуйатыгар кыһалҕалаах эбит. Аймахтара этэллэринэн, иһэ сылдьар эмэ-томо дьиэтигэр хаалбыт, ону таһынан дьиэҕэ ытын хаайан барбыт. Аймахтара, нэһилиэк олохтоохторо бары көрдүүллэр, ыаллар тиэргэннэрин, быраҕыллыбыт дьиэлэри, чугастааҕы күөллэри, бултуур үүтээннэри кэрийбиттэр даҕаны туох да биллэ, сүппүт киһи көстө илик.
“Национальнай эриэйтин” бырайыак чэрчитинэн “Рейтинг” информационнай коммуникациялар кииннэрэ дойду субъектарын баһылыктарын үлэтин сыаналааһыҥҥа аналлаах уочараттаах…
Кытай SWIFT систиэмэҕэ маарынныыр бэйэтин систиэмэтин таһаарда. Арассыыйа - Кытай доҕордоһуутун, эйэҕэ, сайдыыга кэмитиэтин хос…
Бэҕэһээ Ньурба улууһун баһылыгын солбуйааччы Наталья Петрова салайааччылаах куонкурус хамыыһыйатын түмүктүүр мунньаҕа буолан ааспыт. Бэбиэскэҕэ…
Арассыыйа тимир суолларын саайтыгар эбэтэр мобильнай сыһыарыы нөҥүө “Федеральнай пассажирскай хампаанньа” (ФПХ) плацкартаах вагоннарыгар билиэт…
Өрөспүүбүлүкэтээҕи 2 №-дээх балыыһа травматологияҕа пууна Арассыыйа “Гелпик” фирматын саҥа рентгенологическай комплексын ылла. Саҥа аппараат…
Норуот синоптига Тускул этэринэн, сэтинньи 20-гэр диэри халлаан улаханнык тымныйыа суоҕа. Онтон хаар хаһан түһэр?…