Иерей Вячеслав Канинин киһини быыһаабытынан наҕараадаланна
Бу күннэргэ Алдан оройуонун баһылыга Александр Шестопалов Алдан өрүскэ ууга түспүт киһини быыһаабыт таҥара үлэһитигэр махталын биллэрдэ.
Алдан оройуонун дьаһалтатын мунньаҕар оройуон баһылыга Александр Шестопалов хас да тэрилтэ үлэһиттэрин үбүлүөйдэринэн сибээстээн, ол таһынан муниципалитет сайдыытыгар киллэрбит кылааттарын уонна биир дойдулаахтарыгар көмөлөрүн иһин наҕараадалаата. Ол иһигэр, хорсун быһыытын – ууга түспүт киһини быыһаабытын иһин Алдан улууһун баһылыгын Махтал суругунан Томмот куорат храмын настоятела иерей Вячеслав Канинин наҕараадаланна.
Санатан эттэххэ, сэтинньи саҕаланыытыгар Вячеслав Иванович Томмот олохтооҕун, уугас түспүт киһини быыһаабыта. «Хорсун санааҥ, дьаһаллаах быһыыҥ уонна ыксаллаах түгэҥҥэ толлубат буолууҥ саамай үрдүк убаастабыл холобура. Эн түргэн уонна сыыһата суох быһаарыныыҥ дьикти түбэлтэни тохтоторго уонна киһи олоҕун быыһыырга көмөлөстө», — диэн оройуон баһылыга бэлиэтээтэ. Бу туһунан Алдан оройуонун дьаһалтатын пресс-сулууспата иһитиннэрэр.
Сообщить об опечатке
Текст, который будет отправлен нашим редакторам: