Игирэ үрүҥ эһэчээннэри дойду атын зоопаркаларыгар биэрэр былааннаахтар

«Орто дойду» зоопаркаҕа былырыын ахсынньыга төрөөбүт игирэ үрүҥ эһэчээннэри Арассыыйа атын зоопаркаларыгар биэрэр былаан баарын туһунан Ил Дархан Айсен Николаев быһа эпиирин кэмигэр иһитиннэрбитэ.

«Зоопарка салайааччылара кэпсээбиттэринэн, сыл дуу, икки сыл дуу ааспытын кэнниттэн эһэлэри атын зоопаркаҕа биэрэр былааннаахтар. Билигин учуонайдар ханна илдьиэххэ сөбүн үөрэтэллэр. Арассыыйа зоопаркаларыттан олус элбэх сайаапка киирбит. Билиҥҥитэ Вилюйдаах Яна Саха сиригэр бааллар», — диэн Айсен Николаев эппитэ.

Санатан суруйдахха, Вилюйдаах Яна Колымана уонна Ломоносов оҕолорунан буолаллар. Кинилэр 2023 сыл ахсынньытыгар күн сирин көрбүттэрэ. Кулун тутартан вольер иһигэр күүлэйдээн саҕалаабыттара.