Салгыы
Игнатий Слепцов-Хайа Тыала: «Саха саллаата»

Игнатий Слепцов-Хайа Тыала: «Саха саллаата»

Ааптар:
24.10.2022, 12:00
Бөлөххө киир:

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 35-с кыттааччыта Игнатий Слепцов — Хайа Тыала:

Саха саллаата

Мин баартым дойдубун көмүскүү

Бар дьонум дьоллорун көрдөөрү,

Ийэ сир сайыһа хаалбыта

Атаартыҥ эн миигин эбэкээм.

Саа-саадах диэн тугун билбэтэх,

Ыыр үктээн алаастан барбатах,

Ыар аччык хара буор быыһынан,

Хаһыыннан сүүрэрбит күннэтэ.

Хаһан да кыа хааны тохпотох,

Өлөр диэн да тугун билбэтэх,

Эдэркээн бэйэбит эмискэ,

Өстөөххө утары киирбиппит.

Ыар кэмҥэ бааһырар түгэҥҥэ,

«Доҕор» диэн, бу манна дьэ баара,

Ыйылас буулдьа да быыһыттан,

Санныгар сүгэрэ, ээр сэмээр.

Сахабыт тылыттан атыны

Билбэппит биһиги бэдэрдэр,

Ол да буолларбыт, сапсынан,

Өйдөһөр буолбуппут устунан.

Өйдөһүү-өйөһүү манна баар,

Бары биир санаанан сылдьартан,

Сүүрүктүү устаахтыыр кыһыл хаан,

Сүүһүнэн доҕоттор тыыннара…

Оо, хаһан да тэйбэтэх бэйэбит,

Ахтарбыт хаан-уруу дьоммутун,

Суругу-бичиги билбэтэх,

Алаастан кый-ыраах барбатах…

Куораттан-куораты быыһыырбыт,

Оҕону-урууну, норуоту,

Ким төһө өстөөҕү өлөртө,

Биллибэт да этэ ардыгар.

«Ити мин өлөртүм» диир аньыы,

Киһини өлөрөр хара дьай,

Ол иһин сорохтор саһарбыт,

Киэн тутта ааттаммат этибит.

Ыарахан да кэмнэр эбиттэр

Билигин да сүрэх уоскуйбат,

Ыһыытаан-хаһыытаан ардыгар

Билигин да түүлбэр сэрии баар.

Ол ааспыт кэмнэри саныыртан

Кэпсииртэн туттуна сатыыбын.

Кыайыыга да соччо үөрбэппин

Кыахтаах да ыччаттар бартара!!!

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 мая
  • 22°C
  • Ощущается: 21°Влажность: 37% Скорость ветра: 3 м/с

Сообщить об опечатке

Текст, который будет отправлен нашим редакторам: