Игорь Юргиҥҥа Алдан улууһун Бочуоттаах олохтооҕо аат иҥэрилиннэ

Алдан улууһун дьокутааттарын Сэбиэтин ыам ыйын 28 күнүнээҕи быһаарыытынан, Арассыыйа Дьоруойа Игорь Юргиҥҥа Алдан улууһун Бочуоттаах олохтооҕо аат иҥэрилиннэ.

Бу туһунан улуус баһылыга Александр Шестопалов бэйэтин ТГ-ханаалыгар суруйда.

«Сессия мунньаҕын кэнниттэн тутатына Игорь Васильевиһы үөрүүлээх түгэнинэн эҕэрдэлээтим. Кини билигин «Время героев» дойду бэрэсидьиэнин бырагырааматынан үөрэнэ сылдьар. Үөрэх олус тэтимнээхтик ааһар», — диэн Игорь Шестопалов кэпсиир.

Санатан эттэххэ, Алдан оройуонуттан анал байыаннай дьайыы кыттыылааҕа Игорь Юргин 2024 сыл кулун тутар ыйга Николай Соболевы кытта Арассыыйа Дьоруойа бэлиэни туппуттара. Байыас өссө икки «Хорсун быһыы» уордьанынан уонна мэтээлинэн наҕараадаламмыта.