Арассыыйа Дьоруойа Игорь Юргин балыыһаҕа байыаһы кытта көрүстэ

Арассыыйа Дьоруойа Игорь Юргин мэдиссиинэ тэрилтэтигэр сытар анал байыаннай дьайыы байыастарын кытта көрүстэ. 

«Көрсүһүү олу сэргэх уонна интэриэһинэй буолла. Итии чэйдээх, минньигэс тортаах байыастар дьиэлэригэр курдук сылаас кэпсэтиини ыыттылар. Биһиги ыччаппыт төрөөбүт дойдуларын сайыннарыыга патриотизмы уонна дьулууру көрдөрөллөрө ордук үөрдэр. Биһиги харахпыт далыгар күүстээх уонна инникэ сырдык сыаллаах- соруктаах көлүөнэ улаатан, дойдубут кэскилигэр бэйэтин кылаатын киллэрэргэ бэлэм»,-диэн ТГ- ханаалга Саха сирин байыастар дьиэ кэргэттэрин кэмитиэтин салайааччыта Марина Бахилина иһитиннэрдэ.

Алдан улууһуттан төрүттээх, 29 саастаах Игорь Юргин анал байыаннай дьайыы саҕаланыаҕыттан Саха сиригэр бэһис киһинэн дойду үрдүк наҕараадатыгар тиксибитэ. Кини эмиэ «Хорсун быһыы» уордьанынан уонна «Хорсун быһыы иһин» мэтээлинэн наҕараадаламмыта.