Хаартыска видеоттан скриншоттанна
Бүгүн Бэрэсидьиэн Владимир Путин алта сыллаах болдьоххо дуоһунаһыгар киирэр сиэрэ-туома буолла. Кини норуотун иннигэр андаҕар биэрэн баран бар дьонугар санаатын эттэ, махтанна. Онно байыаннай дьайыы кыттыылаахтарыгар махтанарын, кинилэр дьиҥнээх дьоруойдар буолалларын бэлиэтээн эттэ.
Арассыыйа Дьоруойа, штурмовой этэрээт хамандыыра, майор Игорь Юргин санаатын үллэһиннэ:
— Бүгүн сырдык, бэлиэ күн – биһиги талбыт Бэрэсидьиэммит Владимир Путин инаугурацията. Кини бүгүн дойдуну салайар дуоһунаһыгар киирдэ. Мин тус бэйэм киниэхэ куоластаабытым уонна этэрээтим киниэхэ куоластаабыттарын сүүс бырыһыан билэбин.
Инаугурация диэн миэхэ, офицер киһиэхэ, үрдүк суолталаах, дьоммут иннигэр андаҕар. Биһиэхэ байыаннайдарга бу олус улахан суолталаах, тоҕо диэтэххэ, Арассыыйа Бэрэсидьиэнэ биһиги дойдубут Сэбилэниилээх Күүстэрин Үрдүкү Главнокомандующайдара буолар. Мин олус үөрэбин уонна киэн туттабын, Бэрэсидьиэммэр итэҕэйэбин. Кини дойдубутун сылтан сыл сайыннаран, үөһэ таһаарда.
Дойдубутугар норуот хаһаайыстыбата, экэнэмиэкэ, култуура, успуорт бары эйгэтэ салгыы сайдыа уонна биһигини дьоллоох олох күүтэр, биһиги эйэлээх олох туһугар үлэлиибит.
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …