Игорь Юргин «Время героев» бырагыраама туһунан кэпсээтэ

Арассыыйа Дьоруойа, хорсун быһыы уордьан кавалера Игорь Юргин «Время героев» дойду Бэрэсидьиэнин бырагырааматыгар  кыттан үөрэнэ сылдьар. 

Алдан улууһуттан төрүттээх Игорь Юргин анал байыаннай дьайыы саҕаланыаҕыттан дойду үрдүк наҕараадатыгар тиксибит сахалартан бэһис Арассыыйа Дьоруойа буолар.

Дьоруой  «Время героев» бырагыраама  үрдүк таһымнаах спикердэрдээҕин бэлиэтээн эттэ. «Мин маннык үрдүк кылаастаах  преподавателлэр баар буолуохтара дии санаабат этим.  Владимир Соловьев,  Сергей Лавров, Владимир Мединскэй курдук биллэр дьон үөрэтэллэр», –  диэтэ майор Игорь Юргин.

Анал байыаннай дьайыы кыттыылаахтарыгар анаан сайыннарыы бырагыраамата дойду Бэрэсидьиэнэ Владимир Путин сорудаҕынан, РАНХиГС судаарыстыбаннай управлениетын Үрдүкү оскуолатын «Сенеж» мастарыскыайын баазатыгар олоххо киллэриллэр.