Иирсээн кэнниттэн аҕатын массыынатын алдьатан буруйданна

ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната алдьаммытын туһунан кэпсээбит. Материальнай хоромньу 11 000 солк. буолбут.

Суһал-көрдүүр дьаһалларынан холуобунай ирдэбил үлэһиттэрэ сокуону кэһиигэ сайабылыанньалааччы 19 саастаах ииппит уола кыттыгастааҕын быһаарбыттар. Силиэстийэҕэ быһаарыллыбытынан, дьиэ кэргэн иирсээнин кэнниттэн уорбаланааччы тиэргэҥҥэ тахсан, кыыһырбытын таһааран, гаайка күлүүһүнэн ииппит аҕатын массыынатын фараларын алдьаппыт. РФ Холуобунай кодексатын 167-с ыстатыйатын 1-кы чааһынан («Баайы-дуолу соруйан урусхаллааһын эбэтэр алдьатыы») холуобунай дьыала көбүтүлүннэ. Бу ыстатыйанан буруйдаах 2 сылга диэри көҥүлэ быһыллар, диэн ИДьМ пресс-сулууспата суруйар.