Хаартысканы Тускулаана ГОРОХОВА-КОБЕЛЬЯНОВА тиксэрдэ
Сунтаарбыт Айыы арчытын түөлбэтэ ураты кэрэ, остуоруйа дойдута. Бу түөлбэҕэ киирээти кытта Августина, Юрий Мишаковтар олохсуйбуттара ыраатта. Бастаан кэлээт хаһаайын Юрий Михайлович балаҕан туттубут.
Хаһаайын бэйэтэ хакас омук, Саха сирин, Сунтаары олус таптаан иккис дойду оҥостубут. Кэргэнэ Августина Семеновна Кириллина Сунтаар Ис дьыалатын отделыгар, аэропортка үлэлээн билигин бочуоттаах сынньалаҥҥа олорон арааһы айар-тутар, тигэр, оһуордуур-мандардыыр. Кини айар үлэлэрин аан бастаан Кыыл Уолун аатынан холбоһуктаах түмэлгэ көрөн кэрэхсээбитим. Араас дьэрэкээн өҥүнэн оонньуур, күлүмүрдүүр оҕуруоларынан тиһиллибит Саха сирин каартата элбэх киһини интэриэһиргэппитэ. Кини Айыы арчытын дьиэтэ тутуллан үлэҕэ киирэригэр төһүү күүс буолбут киһи. Дьиэ ис көстүүтэ кэрэнэн сыдьаайарыгар туос хаппахчы урамньытыттан саҕалаан эр киһи, дьахтар толору кыһыҥҥы сахалыы таҥаһын, Бүлүү өрүспүт тааһын арааһынан күлүмүрдүүр сандалыны кытта оҥорбут. Кини түүлээҕинэн, оҕуруонан, быысапканан, батигынан умсугуйан туран кыратыттан дьарыгырар, бу сөбүлүүр дьарыгын утума аҕата уран уус Сэмэн Кириллин буолар. Августина амарах аҕатын Сэмэн Дмитриевич Кириллины, ийэтин Татьяна Уарованы, бастакы кэргэнин милиция салайааччытынан үлэлээбит, хаппытаан званиелаах, эрдэ олохтон туораабыт Сергей Васильевич Саввиновы, түөрт уолаттарын, үлэлээбит тэрилтэлэрин, чугас дьүөгэтин уонна холоонноох доҕорун Юрий туһунан олус элбэҕи, күндүнү кэпсээтэ. Аҕата Сэмэн алта оҕолоругар барыларыгар баай-талым көстүүлээх кириэһилэни, остуолу, ыскаамыйаны оҥортоон бэйэтин кэнниттэн бэлиэ бэлэҕи оҥорбута сөхтөрдө. Аны илиитигэр олус дьоҕурдаах далбар хотун бииртэн биир кэрэни долбууруттан таһаара-таһаара таптыы, имэрийэ кэрэкэ оҥоһуктарын, түүлээх кэһиэччиктэрин, соннорун таһааран кэтэн көрө-көрө астына кэпсээтэ.
Михаил дойдутугар Хакасияҕа бара сылдьан эҥинэ дьикти, дириҥ онобуллаах сирдэргэ сылдьан устуоруйаларын үөрэтэн сыбааттыылар түөскэ кэтэр киэргэллэрин бэйэтин олоҕун кэпсиир урамньыта улахан болҕомтону тарта.
Августина «ИИС — КҮҮС» диэн этиитэ кини олоҕор олус дириҥ уонна күүстээх суолталаах, кини бу айар дьарыга ыарахан кэмнэригэр өрөһүлтэ, быыһал-абырал, алгыс буолбут. ИИС — КҮҮС, ханнык да түгэҥҥэ бэйэҕитин сүтэрбэккэ арааһынан дьарыгырыҥ, түгэххэ бүк түһүмэҥ, ол ону Августина нарын илиитин оһуора барытын арылхайдык кэпсиир.
Тускулаана ГОРОХОВА-КОБЕЛЬЯНОВА
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…