Иистэнньэҥнэргэ ыһыы хортуоппуйу биэрэн үөртүлэр

Кэбээйи улууһун Куокуй нэһилиэгин олохтооҕо, улахан дьиэ кэргэн хаһаайката Оксана Игоревна  Игнатьева байыаннай дьайыыга баҕа өттүнэн иистэнэр «Надежда» түмсүү хас биирдии иистэнньэҥэр, кэлэн иһэр Улуу Кыайыы 80 сылынан, биирдии биэдэрэ ыһыы хортуоппуйу анаата.

Хаһаайын Никифор Спиридонович уонна уолаттара Ерлан, Ярик хас биирдии иистэнньэҥҥэ үлэлиир сирдэригэр, үгүстэригэр  дьиэлэринэн  сылдьан, улахан биэдэрэнэн чиргил туруктаах ыһыы хортуоппуйу тиксэрэн үөртүлэр. Иистэнньэҥнэр ыһыыга саҥа суорт хортуоппуйданныбыт диэн астыннылар. Дьиэни-уоту умнан туран, кыайыы туһугар эрэллээхтик иистэнэр түмсүү ийэлэрин-эбээлэрин таба өйдөөн-өйөөн, үөрдүбүт-сөхтөрбүт дьиэ кэргэҥҥэ барҕа баһыыба, туруктаахтык олоруҥ, сырдык санааҕыт сайда турдун. Оксана Игоревнаҕа үүнээйилэриҥ, сибэккилэриҥ, оҕуруотуҥ аһа өссө да чэлгийэ-чэчирии, өлгөм үүнүүнү биэрэ туралларыгар баҕарабыт.

Ираида Софронеева, Куокуй.