Иитийэх куһу ылааччылар бэтэринээринэй докумуону ирдээҥ!

Россельхознадзор Амур уобалаһынааҕы уонна Саха сиринээҕи  салаатын  Тырааныспарга уонна РФ судаарыстыбаннай кыраныыссатыгар бэтэринээринэй надзорун управлениетын  иниспиэктэрэ Гаврил Семенов  көтөр кириибэ кэлиэн сөбүнэн сэрэтэр үлэлэр эрдэ ыытыллыахтаахтарын туһунан иһитиннэрдэ:

— Күһүҥҥү кус кэмэ чугаһаабытынан булчуттарга сэрэтии тиэрдиэхпит этэ, ол курдук көтөр кириибэ диэн вируснай ыарыы буолар. Бу вирус дьиикэй, синантропнай уонна дьиэ көтөрдөрүгэр көстөр. Иитиэх кустары ылааччылар (подсадной кустары) ылааччылар бэтэринээринэй докумуону атыылааччылартан ирдиэхтээхтэр. Ыалдьыбыт көтөрү хайдах быһаарабыт? Ыалдьыбыт көтөр мөлтүүр, төбөтү, түөһү, моойун тириилэрин аннынан иһэн хаалар, ыалдьыбыт көтөр былчыҥнара хамсаабат эбэтэр титирэстиир буолар. Булт кэмигэр маннык көтөргө түбэстэххитинэ, көтөрү салапааҥҥа суулаан баран, тутатына судаарыстыбаннай бэтэринээринэй сулууспа үлэһиттэригэр тиэрдиллиэхтээх. Өскөтүн, алҕас таарыйбыт буоллаххытына, санитарнай миэрэни тутуһар ирдэнэр. Дьиэҕэ бултаныллыбыт куһу, хааһы үргээбэккэ аҕалар сэрэхтээх. Иһин-үөһүн ыраастыыр, түүтүн үргүүр кэмҥэ кини ыалдьыбытын дуу, суоҕун дуу киһи быһаарар кыахтаах. Буһарыах иннинэ булду оргуйбут ууга уган ылыллар эбэтэр уокка саралаан ылар наада.  Куһу үргүү олорон илиигитинэн сирэйгитин тыытымаҥ, — диэн сүбэлээтэ.

Онон көтөр кириибэр сыстыбат, ыарыыны тарҕаппат туһуттан булчуттар сэрэхтээх буолаллара ирдэнэр.