sakha.gov.ru
Бүгүн, тохсунньу 23 күнүгэр, Ил Дархан Айсен Николаев бэрэссэдээтэллээх ыытыллыбыт патриотическай иитиигэ координационнай сэбиэт мунньаҕар Ийэ дойдуну көмүскээччи сылын логотибын презентацията буолла.
Георгиевскай лиэнтэлээх кыһыл сулус логотипка уруһуйдаммыт. СӨ ыччат миниистирин э.т. Игорь Юргин быһаарбытынан, кыһыл сулус, өрүү да буоларын курдук, дьоруойдуу, килбиэннээх быһыыны көрдөрөр. Бу хорсун-хоодуот уонна көмүскээһин бэлиэтэ. Георгиевскай лиэнтэ бэтэрээннэргэ ытыктабылы, аҕа көлүөнэ хорсун быһыытын кэрэһилиир. «Z» буукубаны логотипка туһаныы, сомоҕолоһууга, дойдуну көмүскэһиҥҥэ болҕомтону тардарын, улаатыннарарын бэлиэтиир.
«Бу эмбилиэмэни оҥоруу түмсүүлээх буолуу уонна патриотизм ордук суолталанан турар кэмигэр сөп түбэстэ. Ийэ дойдуну көмүскээччи сылын эмбилиэмэтэ эдэр көлүөнэни төрөөбүт дойдуга тапталы күүһүрдэр, бэриниилээх буолууну үрдэтэр, дойдунан киэн туттууну улаатыннарар, — диэн этэр кини.
Бу логотибы быйыл бары тэрээһиннэргэ туһаныахтара, патриотическай тыыны күүһүрдэргэ уонна көлүөнэлэр утумнарын бөҕөргөтөргө туһуламмыт улахан бырайыак сүрүн бэлиэтинэн буолар.
Ил Дархан Айсен Николаев Арассыыйа Дьоруойугар, миниистир э.т. Игорь Юргиҥҥа, бүтүн Арассыыйатааҕы хамсааһыҥҥа көхтөөхтүк кыттарга, байыаннай-спортивнай бэлэмнээһиҥҥэ уонна патриотическай иитиигэ үлэни саҕалыырга соруйда.
СӨ Ил Дарханын уонна Бырабыыталыстыбатын пресс-сулууспата
Усуйаана улууһун Силээннээх национальнай нэһилиэгэр (Сайылык сэл.) балаҕан ыйын 14 күнүгэр нэһилиэк баһылыгын быыбара буолуохтаах.…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Аллараа Бэстээх бөһүөлэгэр суолга бензовоз сууллан, паромҥа киирэр суол сабыллыбытын туһунан иһитиннэрэллэр. ДТП тахсыбыт сиригэр…
Саха норуодунай бэйиэтэ, Саха сирин Суруйааччыларын сойууһун бэрэссэдээтэлэ, биллэр уопсастыбаннай диэйэтэл, саха поэзиятын Далбар хотунунан…
Бэҕэһээ, балаҕан ыйын 4 күнүгэр, СӨ Быыһыыр сулууспатыгар Ленскэй оройуонугар 1978 с.т. эр киһи сүппүтүн…
Уонча сыл анараа өттүгэр Арассыыйа саамай ыраах кытыы сытар уокуруга “илин диэки эргийии” оргуйар ортотугар…