Хаартыска: SakhaGov
Саха сиригэр дьахтар доруобуйатын харыстабылыгар ананар “Ийэ доруобуйата” бырайыакка Саха сирин 83 тыһыынчаттан тахса олохтооҕо кытынна.
СӨ Доруобуйа харыстабылын министиэристибэтэ иһитиннэрбитинэн, Саха сиригэр эмиий уонна дьахтар киэлитин араагынан ыалдьыы сыл аайы бэлиэтэнэр. “Ийэ доруобуйата” бырайыак көмөтүнэн, хайыы үйэ 86 тыһыынчаттан тахса аҥкыата толорулунна. Ол түмүгэр араак 47 түбэлтэтэ эрдэ быһаарылынна.
“Ийэ доруобуйата” бырайыак чэрчитинэн дьахталларга аҥкыата оҥоһуллар. Бу ыалдьар кутталы уонна дьахталларга киэли шейкатын араагын быһаарарга дьахталлары цитология ньыматынан чинчийиигэ уонна эмиий араагын быһаарарга маммографияҕа ыыталлар. Онкологияҕа уорбалааһын баар буоллаҕына, кинилэри Онкология өрөспүүбүлүкэтээҕи киинигэр салгыы дириҥник чинчийиигэ ыыталлар.
“Ийэ доруобуйата” бырайыак дьахталлар ханна олороллоруттан тутулуга суох, барыларыгар табыгастаах. Аҥкыатаны биэлсэр-акушер пууннарыгар, быраас амбулаторияларыгар уонна олорор сиргинэн поликлиникаларга толоруохха сөп.
Санатан эттэххэ, бырайыак РФ бэрэсидьиэнэ Владимир Путин көҕүлээбит “Уһун уонна көхтөөх олох” национальнай бырайыагын сорҕото буолар.
СӨ Ил Дарханын уонна бырабыыталыстыбатын пресс-сулууспата
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…