Хаартыска: А.Сорокин (СИА)
Ыарыыны булуу бу өҥөтүнэн 40 тыһыынчаттан тахса дьахтар туһанна. СӨ Доруобуйа харыстабылын министиэристибэтэ иһитиннэрэринэн, 2024 сыл кулун тутарыгар араагы эрдэ буларга “Ийэ доруобуйата” бырайыак үлэтэ саҕаламмыта. Түөрт ый иһигэр анкета-скринини 40 тыһыынчаттан тахса киһи толорбутуттан 16 кэрэ аҥаарга ыарыы сибикитэ баара биллибитэ.
40 саастарын аһарбыт дьахталлар араагы утары охсуһалларыгар туһуламмыт “Ийэ доруобуйата” бырайыак “Дьиэ кэргэн доруобуйата” бырагыраама чэрчитинэн үлэлиир. Көҕүлээччи – Саха сирин Доруобуйа харыстабылыгар министиэристибэтин наукаҕа уонна сыыппара трансформациятыгар эспиэрт-сэбиэтин чилиэнэ Людмила Николаева.
«Бырайыак саҕаланыаҕыттан араак 16 түбэлтэтэ булулунна. Ордук суолталааҕа – ыарыы 1-2 түһүмэҕэр булуу. Бу Доруобуйа харыстабылын аан дойдутааҕы тэрилтэтин ирдэбилинэн, үчүгэй көрдөрүү. Араагы саҥа саҕаланан эрдэҕинэ булан, биһиги дьахталлар доруобуйаларын эрэ буолбакка, бүтүн олохторун харыстыыбыт”, — диэтэ СӨ доруобуйа харыстабылын миниистирэ Лена Афанасьева.
“Ийэ доруобуйата” анкета-скринины олорор сиргинэн поликлиникаларга бараҕын. Ол түмүгүнэн, онкология сибикитэ билиннэҕинэ, кэрэ аҥаардар өрөспүүбүлүкэтээҕи онкология диспансерыгар доруобуйаларын эбии дириҥник көрдөрөллөр. Өҥө босхо оҥоһуллар.
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистирэ Дмитрий Лепчиков салайыытынан муниципальнай тэриллиилэр уорганнара үрдүк бэлэмнээх эрэсиимҥэ көһөрүлүннүлэр. Гидрометеосулууспа сылыктыырынан, чугастааҕы сууккаҕа…
Киин куорат 34 саастаах олохтооҕо, икки кыыс оҕо аҕата, суут быһаарыытынан ый ахсын 15 тыһыынча…
Социальнай ситимнэри кэтээн көрүү кэмигэр Госавтоинспекция үлэһиттэрэ «Тойота Хайс» мааркалаах массыына суоппара суол быраабылатын кэһэн…
Бэс ыйын 4-8 күннэригэр Дьокуускайга Саха сирин эдэр атлеттарыгар биир саамай улахан успуорт тэрээһинэ -…
Саха сиригэр бүгүн, ыам ыйын 3 күнүгэр, Анаабыр, Булуҥ, Усуйаана улуустарынан сөкүүндэҕэ 15-20 м. түргэннээх…
Ленскэй оройуонун олохтооҕо маарката суох, ГОСТ ирдэбилигэр эппиэттээбэт арыгынан эргинээри сууттаммыт. Ол курдук, 60 саастаах…