Социальнай төлөбүрдэр, ону кытта ийэ хапытаала эбилиннилэр

Бу туһунан Судаарыстыбаннай Дума Бэрэссэдээтэлэ Вячеслав Володин иһитиннэрдэ.

Ийэ хапытаалын кээмэйэ улаатта. Бастакы оҕо төрөөтөҕүнэ дьиэ кэргэн 729 тыһ. солкуобайы, оттон иккис оҕо төрөөтөҕүнэ — өссө 234,3 тыһ. солкуобайы ылыан сөп. Онуоха, өскөтүн дьиэ кэргэн бастакы оҕоҕо сэртипикээт ылбатах буоллаҕына, иккис оҕо төрөөтөҕүнэ 963,2 тыһ. солкуобайы ылар бырааптаах.

Оҕо төрөөтөҕүнэ бэриллэр биир кэмнээх босуобуйа 28,5 тыһ. солкуобайга диэри улаатта.

«Дьоруой ийэ» ааты ылбыт дьахталларга төлөбүр 76,5 тыһ. солкуобай буолуоҕа. Инбэлиит оҕолору уонна оҕо саастарыттан I группалаах инбэлииттэри көрүүгэ-харайыыга компенсациялыыр төлөбүрдэр уонна оҕолоох дьиэ кэргэҥҥэ аналлаах атын да элбэх төлөбүрдэр улаатыахтара.

Ону таһынан индексация Аҕа дойду Улуу сэриитин уонна бойобуой дьайыылар бэтэрээннэрэ, чернобылецтар, Арассыыйа Дьоруойдара, Үлэ Дьоруойдара, үс группа инбэлииттэрэ ылар ыйдааҕы төлөбүрдэрин таарыйыаҕа. Үөһэ ыйыллыбыт үрдэтиллибит төлөбүрдэр олунньу 1 күнүттэн оҥоһуллаллар.