Ийэ хапытаала улаатар: 2025 сыл олунньутуттан төһө буолуоҕай?

2025 сыл олунньу 1 күнүттэн ийэ хапытаалын суумата 7,3% үрдүөҕэ.

Билигин оҕолоро 2020 сыл тохсунньу 1 күнүн кэнниттэн төрөөбүт эбэтэр иитиэх ылбыт төрөппүттэр бастакы оҕолоругар 676 398,58 солкуобайы ылар кыахтаннылар. Эмиэ бачча суума 2020 сыл буолуон иннинэ төрөөбүт иккис оҕоҕо бэриллэр. Оттон өскөтө иккис эбэтэр салгыы төрөөбүт оҕо 2020 сыл тохсунньу 1 күнүн кэнниттэн төрөөбүт буоллаҕына, дьиэ кэргэн 893 835,55 солк. ылыан сөп, өскөтүн сэртипикээт урут оҥоһуллубатах буоллаҕына.

Бастакы оҕотугар ийэ хапытаалын эрдэ ылбыт төрөппүттэргэ иккис оҕо төрөөтөҕүнэ 217 436,97 солк. эбии төлөбүр көрүллэр. Ону тэҥэ ийэ хапытаала сорҕото туһаныллыбыт буоллаҕына, хаалбыт суумата 7,3 % үрдүөҕэ.