Ийэ хапытаала үрдүөҕэ

Олунньу 1 күнүттэн федеральнай Ийэ хапытаалын суумата индексацияланан эбиллиэхтээх. Дьэ, төһө буоларый?
2022 сылга федеральнай Ийэ хапытаала – бастакы оҕо төрөөтөҕүнэ (2020 сыл тохсунньу 1 күнүн кэнниттэн) — 524 527,90 солкуобай, иккис оҕо төрөөтөҕүнэ (бастакы оҕоҕо хапытаалы ылбатах буоллахтарына) — 693 144,10 солкуобай этэ.
2023 сыл олунньу 1 күнүттэн бастакы оҕоҕо 587 тыһыынча солкуобай, иккискэ — 775 тыһыынча солкуобай (дьиэ кэргэн маннык төлөбүрү бастакы оҕотугар ылбатах буоллаҕына) буолар. Ол эбэтэр, бастакы оҕоҕо – 62,4 тыһыынчанан, иккис оҕоҕо – 81,8 тыһыынча солкуобайынан эбиллэр.
Ийэ хапытаалын индексациятыгар дойду үрдүнэн уопсайа 152,4 миллиард солкуобай көрүллэр. Индексация 40-тан тахса миэрэни хабыаҕа, ол иһигэр оҕону көрөн олоруу ыйдааҕы босуобуйа, инбэлииттэргэ, бэтэрээннэргэ, Чернобыль кыттыылаахтарыгар бэриллэр ыйдааҕы босуобуйа, ыйдааҕы страховой төлөбүр, о.д.а.
Сообщить об опечатке
Текст, который будет отправлен нашим редакторам: