Хаартыска: СӨ ИДьМ пресс-сулууспата.
ИДьМ управлениетын силиэстийэлиир чааһын силиэдэбэтэлэ, ийэ (дьиэ кэргэн) хапытаалын үбүн харчыга көһөрүүгэ (обналичивание средств) кэккэ түөкүннээһини оҥорбут кредитнэй-потребительскэй кэпэрэтиип үс үлэһитигэр көбүтүллүбүт холуобунай дьыаланы силиэстийэлээһини түмүктээтэ.
Силиэстийэ чахчытынан, сокуоннайа суох дьыаланы 34 саастаах Дьокуускай куорат олохтооҕо тэрийбит. Бииргэ үлэлиир икки дьахтарын кытта куйаар ситимин угуйук көмөтүнэн уустук материальнай балаһыанньаҕа сылдьар ийэ хапытааллаах дьахталлары көрдөөбүттэр. Куомуннаһааччылар салгыы сөбүлэспит кыргыттары кытта дьиэ тутуутугар эбэтэр атыылаһыытыгар тус сыаллаах иэс харчы (целевой займ) биэрэр туһунан сымыйа сөбүлэҥҥэ илии баттаспыттар. Бу кэнниттэн түөкүттэр сымыйа сибидиэнньэлээх хомуллубут докумуону Биэнсийэ пуондатын салаатыгар төлөбүр ылар туһугар ыыппыттар эбит.
Инньэ гынан, 2018 сыл сэтинньититтэн 2020 сыл ахсынньытыгар диэри тэрээһиннээх бөлөх ийэ хапытаалыттан 22 судаарыстыбаннай сэртипикээти харчыга көһөртөрбүттэр, уопсайа 7,8 мөл. солк. тахса сууманы уорбуттар.
Холуобунай дьыаланы суукка ыыппыттар. Бу туһунан ИДьМ пресс-сулууспата иһитиннэрэр.
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…