Ийэ хапытаалын тобоҕун ылан туһаныахха сөп буолла
24.07.2024, 17:18
![](https://sakha-sire.ru/wp-content/uploads/2024/03/kyhyl-ogo-900x596.jpg)
Хаартыска: Мария Васильева, СИА.
Бөлөххө киир:
Ийэ хапытаалын тобоҕун биирдэ ылыахха сөп буолуоҕа. Госдуума Ийэ хапытаалын тобоҕун биирдэ ылан туһанары көҥүллүүр сокуон барылын иккис ааҕыытыгар ылынна.
Санатар буоллахха, Бүтүн Арассыыйатааҕы «Это у нас семейное» куонкурус финалистара бэрэсидьиэн Владимир Путиҥҥа Ийэ хапытаалын тобоҕун ылан туһанары көҥүллүүр туһунан көрдөспүттэрэ.
Бу биирдэ бэриллэр көмөҕө 10 тыһыынча солкуобайга тиийэ ылыахха сөп. Маннык көмөнү 730 тыһыынча дьиэ кэргэн ылан туһаныан сөп диэн Госдуума бэрэссэдээтэлэ Вячеслав Володин этэр.
— Сокуон бэчээттэнэн таҕыста да, күүһүгэр киириэҕэ. Онон бу көмө миэрэтинэн дьиэ кэргэттэр сайыҥҥы уоппуска кэмигэр, эбэтэр, оҕолору оскуолаҕа бэлэмнииргэ ылан, ханнык баҕарар сыалга туһаныахха сөп, — диэн Володин эттэ.
Федеральнай Ийэ хапытаалын тобоҕо хаалбыт да буоллаҕына, сыллата индексацияланар. Ийэ хапытаалын бырагыраамата 2026 сыл ахсынньы 31 күнүгэр диэри үлэлиир.
+1
2
+1
+1
+1
+1
+1
+1
Сообщить об опечатке
Текст, который будет отправлен нашим редакторам: