Ийэ хапытаалын үрдэтиигэ бүддьүөккэ үп көрүлүннэ

РФ үп миниистирэ Антон Силуанов иһитиннэрбитинэн, эһиил Ийэ хапытаала сыана үрдээһинин кытары эбиллэн биэриэҕэ. Бүддьүөт сүрүн сокуонун барылыгар манна анаан 1,7 трлн солкуобай көрүллүбүт.

Ийэ хапытаала сылын аайы олунньуттан сыана хамсааһынын кытары тэҥҥэ үрдээн иһэр. Холобур, быйылгы төлөбүр бастакы оҕоҕо – 631, иккис оҕоҕо – 834 тыһыынча солкуобайга тэҥнэспит.

Үп миниистирэ Антон Силуанов бырабыыталыстыба мунньаҕар бэлиэтээбитинэн, бүддьүөт сүрүн сокуонун барылыгар Ийэ хапытаалын үрдэтиигэ үп көрүллэн турар. Дьиэ кэргэҥҥэ биир сүрүн өйөбүл буолар төлөбүр ирдэбилинэн, өскөтүн ыал бу хапытаалтан сороҕун туһаммыт буоллаҕына, индексация хаалбыт сууматыгар эрэ көрүллэр. Оттон Ийэ хапытаалын туһамматах ыалга төлөбүр суумата барыта үрдүөҕэ.

Манна даҕатан эттэххэ, Арассыыйа бүддьүөтүн үс сыллаах сокуонун барылыгар оҕолоох дьиэ кэргэни өйүүргэ уон триллионтан тахса солкуобай былааннанар турар.