Сайыына Румянцева хаартыскаҕа түһэриитэ
Уус Алдан улууһугар Өспөххө сэргэх тэрээһин ыытыллыбытын туһунан нэһилиэк бибилэтиэкэрэ Сайыына Румянцева суруйар.
—Төрөөбүт тыл уонна сурук-бичик күнүн көрсө нэһилиэккэ сэргэх тэрээһин буолла. Дьон-сэргэ көхтөөхтүк кытынна. Сүрүн чааһыгар билиини-көрүүнү тургутар викторина ыытылынна. Кыттааччылар икки хамаандаҕа арахсан күөн көрүстүлэр. Төрөөбүт тылларын, өс хоһооннорун, суруйааччылар псевдонимнарын төһө билэллэрин тургуттуу буолла. Хамаандалар эрбии тииһин курдук эгил-тэгил эристилэр.
Болҕомтону күүскэ тардыбыт викторина кэнниттэн «Саха тыла сайдарыгар ыччат көмөтө» диэн тиэмэҕэ бэрт сэргэх кэпсэтии таҕыста. Манна ыччаттар көхтөөх кыттыыны ыллылар, тус санааларын үллэһиннилэр. Ол курдук, кыра оҕолору, кэнчээри ыччаты кытта уу сахалыы ыраастык кэпсэтиэҕиҥ, маны сэргэ социальнай ситимнэргэ сахалыы контены элбэтэр туһалаах буолуо этэ диэн тоһоҕолоон бэлиэтээтилэр.
Тэрээһин түмүгэр Сэмэн Данилов «Саха саҥата» хоһоонун бука бары сүргэбит көтөҕүллэн, улаханнык үөрэн тураммыт доргуччу аахтыбыт. Бу хоһоон уран тыла хас биирдии саха киһитин дууһатын уратытык таарыйарын, долгутар күүстээҕин бэлиэтээтибит. Тэрээһиҥҥэ кыттыбыт дьоммутугар-сэргэбитигэр махтанныбыт.
Сайыына Румянцева,
Өспөх, Уус Алдан.
Хаартыскаларга түһэрдэ, видеоҕа уһулла Сайыына Румянцева.
Ньурба техникумугар устудьуоннары уонна үлэһиттэри ыксаллаах түгэннэргэ бэлэмниир, баһаартан сэрэтэр тэрээһиннэр ыытылыннылар диэн СӨ Судаарыстыбаннай…
Арассыыйа ИДьМ Мэҥэ Хаҥалас оройуонунааҕы полиция отделын дьуһуурунай чааһыгар олохтоох дьахтартан кыбартыыратыгар киирэр аанын алдьаппыттарын…
"Аҕа дойдуну көмүскээччилэр" пуонда Саха сиринээҕи филиалын кэлим көмөтүнэн, байыаннай дьайыы кыттыылааҕа, байыаннай дьайыылар бэтэрээннэрэ…
Бүгүн, олунньу 10 күнүгэр, Үөһээ Бүлүү улууһугар Саха Өрөспүүбүлүкэтин Бырабыыталыстыбатын 2025 сыллааҕы үлэтин отчуоттуур мунньаҕын…
Олунньу 12-16 күннэригэр Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай…
Олунньуга социальнай көмө индексацияланарын туһанан, түөкүттэр дьону албынныыр саҥа ньыманы толкуйдаабыттар. Ол курдук, социальнай ситимнэргэ…