Хаартыска: мамапредприниматель.рф
Бу бырагыраама биисинэһи арыйары былаанныыр ийэлэр бэйэлэрин дьыалаларын олоххо киллэриигэ уонна сайыннарарга саҥа кыахтары биэриэҕэ.
Дойдуга саҥа «Ийэ – урбааньыт» федеральнай бырагыраама үлэлээбитин туһунан РФ Экэниэмикэҕэ сайдыытын министиэристибэтэ иһитиннэрдэ. Бүтүн Арассыыйатааҕы дьахтар пуорумун чэрчитинэн оҕо күүтэр дьахталлар уоппуска кэмигэр грант бырагырааматын туһаналларыгар, ол иһигэр сокуоннай саастарын ситэ илик оҕолоох ийэлэргэ, эппиэкэҕэ оҕолору иитэ ылбыт дьахталларга көмөлөһөргө быһаарыы ылыллыбыта. Сотору кэминэн «Ийэ-урбанньыт» бырагырааманы үлэлэтэр эрэгийиэннэр испииһэгэ оҥоһуллуоҕа.
Бу үөрэхтээһин бырайыага. Бырагыраама иһинэн элбэх хонуктаах тэтимнээх трениннэр ыытыллыахтара, кыттааччылары дьыалабыай эйгэҕэ сыһыарыахтара, бисинэс-былааннары оҥорорго үөрэтиэхтэрэ. Бырайыак түмүгэр ийэлэр биисинэс-идиэйэлэрин көмүскүөхтэрэ уонна киэҥ эйгэҕэ таһаарыахтара. Бырагыраама кыайыылааҕа 100 тыһ. солк. грант ылыаҕа.
РФ Экэниэмикэҕэ сайдыытын миниистирин солбуйааччы Татьяна Илюшникова быһаарбытынан, быйыл бырайыакка 1500-тэн тахса дьахтар кыттыыны ылаллара күүтүллэр. Сүрүн бирииһи таһынан, бастыҥ бырайыактарга табаардарын эбэтэр өҥөлөрүн оҥорууга эбии өйөбүлү оҥоруохтара. Бырагыраама «Дьоҕус уонна орто урбаан» национальнай бырайыак чэрчитинэн олоххо киллэриллэр.
Үлэлиир төрөппүттэр оҕо 1,5 сааһын туолуор диэри оҕо көрөн олорорго бэриллэр босуобуйаны ылар кыахтаахтар. …
Алтынньы 17 күнүгэр Алгыстаах Арчы Дьиэтигэр Саха Өрөспүүбүлэкэтигэр Ийэлэр, Арассыыйаҕа Аҕалар күннэригэр "Ийэ, аҕа тапталынан"…
Арассыыйаҕа чугастааҕы 5-10 сылынан дрону улахана суох таһаҕаһы, буостаны уонна маркетплейс нөҥүө сакааһы тириэрдиигэ туһаныллыаҕа…
Үөһээ Бүлүү улууһун суута Холуобунай кодекс 158 ыст. 3 ч., “г” п. (баан каартатыттан харчы…
“Эн тугу аһыыгын да, оннук буолаҕын” диэн нуучча өһүн хоһооно баар. Кырдьык, киһи химическэй эттиктэр…
Варвара Сергеевна Иванова-Зверева салайааччылаах СӨ бэтэрээн педагогтарын Сэбиэтин дэлэгээссийэтэ Н.И. Шарин аатынан киин куорат 39…