Алтынньы 19 күнүгэр Сахабыт сиригэр Ийэ күнэ бэлиэтэнэр. Ийэ күнүн көрсө киин куораппытыгар элбэх кэнсиэртэр буоллулар.
Марфа, Сергей Расторгуевтар ааттарынан Саха циркэтин уораҕайыгар биир оннук ураты кэнсиэр буолла. Эстрада ырыаһыттарын уонна циркэ артыыстарын »Ийэҕэ махтал» диэн холбоһук кэнсиэртэрэ ситиһиилээхтик ааста.
Саха эстрадатын сулустара Екатерина, Алексей Егоровтар, Далаана, Сахаайа, Александр Бурнашевтар, Эрчим, Игорь Егоров, Алексей Потапов, эдэр ырыаһыттар Святослав Эверстов, Аман Анхаров, Катя Черкашина уонна »Леди плюс», »Добун» үҥкүү ансаамбыллара Ийэҕэ анаммыт ылбаҕай ырыаларынан, нарын үҥкүүлэринэн эҕэрдэлээтилэр.
Режиссердар — Фекла Попова-Колесова уонна Ярослав Лебедев.
Алексей Потапов дьону хамсатан, туруоран үҥкүүлэтэн, сүрэхтэри тэҥэ, төлөпүөн уоттарын уматта, олус сэргэхситтэ.
Уратыта диэн, бу киэһэ акробаттар, жонглердар, каучук-гимнасткалар, салгын гимнастарын нүөмэрдэрэ дьүөрэлэһэн, киэргэтэн биэрдилэр. Холобур, Аман Анхаров лирическэй ырыатыгар салгын гимнастара — уоллаах кыыс үрдүк куупал аннынан, туох да тутар быата суох көтө сылдьан, уустук нүөмэри толорбуттара ситэрэн-хоторон биэрдэ, сөхтөрдө.
Көрөөччүлэр астынан, дуоһуйан тарҕастылар.
Хаартыскаҕа ааптар түһэриилэрэ.
Саха Өрөспүүбүлүкэтин Бырабыыталыстыбатын бэрэссэдээтэлин бастакы солбуйааччыта Дьулустаан Борисов өрөспүүбүлүкэтээҕи волейболга федерациятын 2026 сыл саҕаланыытыгар тэриллибит…
2024 сыллаахха “Саха сирэ” хаһыакка мунньуллар биэнсийэ туһунан сиһилии суруйан турабын. Ол эрээри, 2025 сылтан…
Саха сиринээҕи Гидрометеосулууспа саайта иһитиннэрбитинэн, бүгүн, олунньу 7 күнүгэр, Саха сирин үрдүнэн кыра хаар түһэрэ…
Субуота – Сатурн салайар күнэ. Бу күн ыксааһыны, ыгылыйыыны сөбүлээбэт. Барытын толкуйдаан, тиһэҕэр тиэрдэр ирдэнэр.…
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…