Доруобуйаларынан хааччахтаах дьон өрөспүүбүлүкэтээҕи уопсастыбаларын бэрэссэдээтэлэ Ирина Лебедева көҕүлээһининэн, доруобуйаларынан хааччахтаах ийэлэргэ анаан бүгүн, алтынньы 27 күнүгэр, «Эрэл” култуура киинигэр куонкурус ыытылынна.
Ол курдук, Дьокуускай куорат араас уокуруктарыттан, өрөспүүбүлүкэ улуустарыттан ийэлэр кытыннылар. Куонкурус үс түһүмэхтээх буолла. Бэйэни билиһиннэрии, талааны көрдөрүү уонна суһуоҕу өрүү. Куонкуруска дьүүллүүр сүбэ састаабыгар “Мой бизнес” тэрилтэттэн Ульяна Сокорутова, “Көмүлүөк” хампаанньа менеджерэ Алгыстаан Друзьянов, доруобуйаларынан хааччахтаах дьон уопсастыбатын бэрэссэдээтэлин солбуйаачы Маргарита Лазарева буоллулар. Куонкурус түмүгүнэн кыайыылаах үрдүк аатын Дьокуускай куорат Строительнай уокуругуттан кыттыбыт ийэ Александра Слепцова ылла. “Мой бизнес” тэрилтэ салайааччыта Зоя Седалищева, “Чороон 21 үйэ” салайааччыта Софья Попова, “Сахатайм” издательскай дьиэ салайааччыта Анжелика Кондратьева бары кыттыбыт ийэлэргэ сыаналаах бириистэри туттардылар.
Ньургуйаана Скрябина хаартыскаҕа түһэриилэрэ.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…