Хаартыска: СИА.
Арассыыйаҕа бэлиэтэнэр Ийэ күнүн көрсө, сэтинньи 22 күнүгэр Саха сиригэр элбэх оҕолоох ийэлэргэ судаарыстыбаннай наҕараадалары туттардылар.
Хаартыска: СИА.
Икки дьахтарга «Дьоруой Ийэ» ааты, үс дьахтарга — «Ийэҕэ үрдүк махтал» бэлиэни, 11 дьахтарга — «Ийэ Албан аата» II уонна III истиэпэннээх бэлиэлэри туттардылар.
Үрдүк наҕараадалары бырабыыталыстыба бэрэссэдээтэлэ Кирилл Бычков туттарда.
— Ийэ диэн — ханнык баҕарар киһиэхэ бастакы тыла, бастакы таптала. Бу олоҕуҥ тухары саамай сылаас тыл. Эр дьон ааттарыттан Ийэ түбүктээх, сөҕүмэр, ыарахан эрээри, сырдык үлэтин ытыктыырбын, сүгүрүйэрбин биллэрэбин. Олоҕу биэрэн, иринньэх эрдэҕиттэн иитэн, ыарахан күннэригэр өйөөн, ситиһиилэриттэн үөрэн, тапталынан бүөбэйдээн улаатыннаран, олох киэҥ аартыгар атааран, кини улуу дьыаланы оҥорор. Саха сирэ элбэх оҕолоох дьиэ кэргэттэрдээх эрэгийиэҥҥэ киирсэринэн киэн туттабыт. Бу биһиги киэн туттуубут эрэ буолбатах, инникибит буолар, — диэн кини эттэ.
Үрдүк наҕараадалары 11 улуустан кэлбит, 5-10 оҕолоох ийэлэр ыллылар. Кинилэр ааттарыттан харда тылы Кэбээйи улууһуттан кэлбит, 9 оҕону төрөппүт, «Ийэ Албан аата» бэлиэ III истиэпэнин туппут Алла Никитина эттэ.
— Бүгүҥҥү күн биһиги дьиэ кэргэммит устуоруйатыгар киириэҕэ. Элбэх оҕолоох ийэлэр, биһиги, судаарыстыба өйөбүлүн билэбит. Биһиги дьоһун, үлэһит, үтүө дьону иитэн таһаарар соруктаахпыт, — диэн кини эттэ.
«Дьоруой Ийэ» ааты Үөһээ Бүлүүттэн 10 оҕо ийэтэ Татьяна Обоеваҕа туттардылар.
«Ийэҕэ үрдүк махтал» бэлиэни Бүлүү улууһуттан 7 оҕону төрөппүт, ииппит Клавдия Петрова уонна Бүлүү уһууһун Тааһаҕар нэһилиэгин Бочуоттаах олохтооҕо, 5 оҕону төрөтөн улаатыннартаабыт Мария Харлампьева ыллылар.
Маны тэҥэ, 50 сылы быһа бииргэ олорбут кэргэнниилэри, 9 паараны «Дьиэ кэргэн килбиэнэ» бэлиэнэн наҕараадалаатылар.
«Ийэҕэ үрдүк махтал» бэлиэ кэнники олохтоммута. Өрөспүүбүлүкэ олоҕор улахан кылааты киллэрбит, көхтөөх гражданскай позициялаах оҕолордоох ийэҕэ туттараллар. Наҕараадаҕа эбии 100 тыһыынча солкуобай туттарыллар.
Ил Дархан, бырабыыталыстыба пресс-сулууспата.
Бүгүн 15:00 ч. дааннайынан, 30,37 % киһи куоластаата диэн СӨ Киин быыбардыыр хамыыһыйата иһитиннэрэр. Улуус…
Аллараа Халыма улууһун Колымскай сэлиэнньэтин (Халарчы нэһилиэгэ) 394 №-дээх быыбардыыр учаастагар алта оҕолоох ийэ, 2025…
Балаҕан ыйын 1 күнүттэн дойду үрдүнэн куйаар ситимигэр угуйук туһунан сокуон үлэтин саҕалаата. Саҥа сокуон…
Бөлүүн түүн Хабаровскай кыраай хамаандата Саха сиригэр «ВОИН суола» байыаннай-тактическай күрэхтэһиилэригэр кытта көтөн кэллэ. «Амур…
Бүгүн социальнай ситиминэн аарыма улахан тайах суолу туоруур видеота тарҕаттылар. Тайах Төҥүлүлүүр суолу туораабытын иһитиннэрдилэр.
Дьокуускай куорат биир ураты историческай суолталаах тутуутунан 116 миэтэрэ дириҥнээх Шергин шахтата буолар. Шахта куорат киинигэр…