Хаартыска: СИА.
Г.И. Чиряев аатынан Дьокуускай куорат национальнай гимназиятын 9 кылааһын үөрэнээччитэ Дьячковская Дайаана уонна киин куорат 6 №-дээх орто оскуолатын 9 кылааһын үөрэнээччитэ Кира Степанова ОГЭ-ни английскай тылыгар ситиһиилээхтик туттаран, муҥутуур 68 баалы ылбыттар.
Дайаана Дьячковская гимназия бастакы кылаастан үөрэнэр уонна английскай тылы дириҥник чинчийэн үөрэтэр, араас таһымнаах олимпиадаларга кыттар. Кини учуутала Христина Ксенофонтова үөрэнээччи кыыс үрдүк баҕа санаалааҕын, дириҥ билиилээҕин көрдөрөр. Учуутал этэринэн, Дайаана үөрэҕэр эппиэтинэстээх сыһыаннаһар.
Кира Степанова киин куорат 6 №- дээх оскуолатыгар английскай, нуучча тылыгар уонна литератураҕа Олимпиада призерунан буолан холобурга сылдьар. Үөрэххэ ситиһиилэрин таһынан оскуола үөрэнээччилэрин Бүтүн Арасыыйатааҕы хамсааһынын волонтера. Кини учуутала Анна Федорова үөрэппит оҕолоро Бүтүн Арассыйатааҕы олимпиадалар уонна научнай- практическай кэмпириэнсийэлэр призердарынан, кыайыылаахтарынан буолбуттара.
«Дайаананы уонна Кираны эҕэрдэлиибит! Инникитин саҥа ситиһиилэри уонна икки сылынан орто уопсай үөрэх бырагырааматын баһылаан, БКЭ 100 бааллаах туттаралларыгар баҕарабыт», — диэн Дьокуускай куорат үөрэх управлениетын пресс-сулууспата эҕэрдэлиир.
А.Е.Кулаковскай аатынан норуоттар доҕордоһууларын дьиэтигэр наардаҕа күрэхтэһии буолла. Быйылгы күрэскэ уопсайа 27 киһи кытынна. 8…
Быйыл Өймөкөөн улууһугар айылҕа иэдээнигэр түбэспит дьоҥҥо тута болҕомто ууруллан, олохтоохтор бэйэлэрин көмүскэллээх курдук санаммыттара.…
1980 сыллаахха Красноярскай кыраайга Саха литературатын уонна искусствотын күннэрэ ыытыллыбыттара. Онно Саха сирин артыыстара, суруйааччылара,…
“Олохтоох дьаһалта суһаллык тэриннэ” Биэрэк Үрдэ бөһүөлэк олохтооҕо Федор Шпнев Өймөкөөн улууһун хаһыатыгар кэпсээбитинэн, дэриэбинэҕэ…
Билигин Өймөкөөн улууһугар Арассыыйа ЫБМ СӨ Киин управлениетын быыһааччыларын суһал бөлөҕө уонна СӨ Быыһыыр сулууспатын…
От ыйын 19 күнүгэр 112 нүөмэргэ 11.37 мүнүүтэҕэ иһитиннэрии киирбит. Ол курдук, Хаандыга бөһүөлэгиттэн 238…