«Икки Аана» түһүлгэҕэ оһуохайы тэҥинэн таһаардылар

Таатта улууһугар Дьохсоҕоҥҥо оһуохайга ураты тэрээһин буолла. Дьон-сэргэ сэҥээрдэ, биһирээтэ.

Ол курдук, «Икки Аана» диэн оһуохайга икки киһи тэҥинэн дуэттаатылар. Тэрээһин туһунан сырдаттахха, «Сырал тулааһына» балаҕаҥҥа ааспыт үйэ колхуос, сопхуос бастыҥ ыанньыксыттара, нэһилиэккэ ыытыллар тэрээһиннэр көхтөөх кыттааччылара, 60-70-80 сыллар оһуохайдьыттара Анна Гаврильевна Колодезникова- Капи, Анна Петровна Очегасова ааттарын үйэтитэн түөлбэлэринэн дуэтынан оһуохай күөн күрэһэ ыытылынна.

Биэс түөлбэттэн 14 оһуохайдьыт кытынна. Күөн күрэһи Потапов И.И. оһуохай үтүөлээх этээччитэ, Попова Л.А. оһуохай үтүөлээх этээччитэ, Кычкина М.Е. — А.П.Очегасова төрөппүт кыыһа сыаналаатылар.

Ол курдук бу күн түһүлгэҕэ Лыабачаайы түөлбэттэн Попова Н.Н., Андросова Л.В., «Саар ыаҕас» түөлбэттэн Власова Л.К., Матвеева М.И. Гладкина В.П.
Степанова Т.Д. «Киин» түөлбэттэн Харайданова М.И., Константинова А.В. «Боробул» түөлбэттэн Татаринова Т.И., Архипова С.К., аҕас-балыс Пономарева Г.М. уонна Зарипова В.М., «Таатта» түөлбэттэн Карбаканова М.Н., Саввина Л.М. кыттыыны ыллылар.

Түмүккэ «Бастыҥ кынат» — Кристина Матвеева , Симона Макарова — 1 тыһ. солк. туттулар. Оһуохай үтүөлээх этээччитэ Наумов И.Я. бирииһи туруорда. «Этигэн этээччилэринэн» Матвеева М.И., Власова Л.К. буоллулар. Оһуохай үтүөлээх этээччитэ Потапов И.И., «Победа» ХЭУо туруордулар. «Ымыылаах этээччилэр» ааты Саввина Л.М., Карбаканова М.Н. ыллылар. Оһуохай үтүөлээх этээччитэ Попов.А.Н. кинилэргэ бирииһи туттарда. «Кэскиллээх этээччилэринэ» ааттаммыт Константинова А.В, Харайданова М.И.  СӨ култууратын туйгуна Халыева Т.М. туруорбут бирииһэ туттарылынна. «Хомуһуннаах этээччилэринэн» буолбут аҕас-балыс Пономарева Г.М. Зарипова В.М. олохтоох дьаһалта анал бирииһэ туттарылынна. «Уһун тыыннаах этээччилэр»  диэн ааты Степанова Т.Д., Гладкина В.П. ыллылар. Оһуохай үтүөлээх этээччитэ Попова Л.А. бирииһи кинилэргэ туттарда. «Кылыһахтаах этээччилэр» Архипова С.К., Татаринова Т.И.. Бирииһи А.Г.Колодезникова төрөппүт кыыһа Вера Григорьевна Макарова туттарда. Күн күрэс кыайыылаахтарынан буоллулар — «Бастыҥ оһуохайдьыттар» Попова Н.Н., Андросова Л.В. БирииҺи туруорда А.П.Очегасова төрөппүт кыыһа Мария Егоровна Кычкина.

Түгэнинэн туҺанан «Икки Аана» күөн күрэһи көҕүлээбит А.Г.Колодезникова, А.П.Очегасова оҕолоругар, дьүүллүүр сүбэҕэ, түөлбэлэрбит салайааччыларыгар, бары кыттааччыларбытыгар, оһуохайы сэҥээрээччилэрбитигэр махтал тылларын аныыбыт. Саха төрүт оонньуутун оһуохайы сайыннарыаҕыҥ, ыччаттарбытыгар тиэрдиэҕиҥ.

Изабелла Жараева,

Дьохсоҕон, Таатта.

Татьяна Попова хаартыскаларга түһэриитэ