Хаартыска: sakha.gov.ru
СӨ бырабыыталыстыбатын бэрэссэдээтэлин бастакы солбуйааччыта Дмитрий Садовников мунньахха икки бөдөҥ социальнай эбийиэк тутуута хайдах бара турарын көрдө: Дьокуускай куорат “Спортивнай” түөлбэтигэр баар элбэх хайысхалаах спортивнай сааланы уонна Мэҥэ Хаҥалас улууһугар Матта сэлиэнньэтигэр 51 куойкалаах кырдьаҕастар уонна инбэлииттэр интэринээт-дьиэлэрин.
«Бу эбийиэктэр өрөспүүбүлүкэ олоҕор тыын суолталаахтар. Сыл бүтүөр диэри үлэҕэ киириэхтээхтэр», — диэн Дмитрий Садовников тоһоҕолоото. Элбэх хайысхалаах спортивнай саала 78% бэлэм. Эбийиэк тимир каркааһа таҥыллан бүппүт, ититэр ситимэ сабыллыбыт. Хочуолунайа үлэлии турар. Тэлгэһэтин тупсарар үлэ бүппүтүн кэриэтэ. Билигин спортивнай саалаҕа ис үлэ бара турар. Манна скалодром, тренажернай, тустар, ритмическэй гимнастика уонна хореография саалалара баар буолуохтара.
Матта нэһилиэгэр 51 куойкалаах кырдьаҕастар уонна инбэлииттэр интэринээт-дьиэлэрэ 90% бэлэм буолбут. Билигин иккис этээс ис балконнарыгар сибээс кабелларын тарда, уот розеткаларын, салгын киирэр тэриллэрин, муоста билиитэтин оҥоро сылдьаллар. Дьиэ өһүөтүн оҥорууга үлэ бара турар. Бу туһунан Ил Дархан, бырабыыталыстыба пресс-сулууспата иһитиннэрэр.
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…
Сэтинньи 4-6 күннэригэр Дьокуускайга ыытыллыбыт «Норуот уонна аармыйа түмсүүлээхтэр» үһүс өрөспүүбүлүкэтээҕи фашизмы утары пуорум пленарнай…
Бүгүн Саха сирин доруобуйатын харыстабылын устуоруйатыгар аан бастакытын Горнай улууһун оройуоннааҕы киин балыыһатыгар тобук сүһүөҕэр…
Тайвань Национальнай университетын учуонайдара 20 эрэ күн иһигэр баттаххын бүтүннүү чөлүгэр түһэрэр куттала суох уонна…
Орой -- киһи саамай үрдүк сирэ. Айыы үөрэҕинэн, орой итэҕэл киэлитэ буолар. Манна ытык эт…