Икки бензовоз кыттыылаах суол саахала таҕыста

ЫБММ Саха сиринээҕи управлениета Мииринэй — Ленскэй суол 4 килэмиэтиригэр икки бензовоз кыттыылаах суол саахала тахсыбын туһунан иһитиннэрии киирбитин телеграмҥа суруйда.

Суол саахала тахсыбыт сиригэр Мииринэйдээҕи баһаарынай-быыһыыр гарнизон, ГИБДД , СМП ЦРБ, МУАД АК «АЛРОСА» үлэһиттэрэ, куорат, оройуон дьаһалтатын бэрэстэбиитэллэрэ тиийдилэр.

Ол курдук, цистернэлээх массыына сууллан  дизельнэй уматык тохтубут. Билигин төһө кээмэйдээх уматык тохтубутун быһаараллар.

Саахал тахсыбыт сиригэр дизельнэй уматык тохтон баһаар тахсыбатын туһугар баһаарынайдар цистернаны анал күүгэнинэн ыстардылар. Билигин уматыгы атын цистернаҕа сүөкүүллэр.

Саахалы туоратыыга  26 киһи уонна 10 техника үлэлиир.