Икки биэнсийэлээхтэн харчы уонна арыгы уорбут

ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн туһунан суһал иһитиннэрии мэдиссиинискэй тэрилтэттэн киирбит.

Полиция сотрудниктарыгар эмсэҕэлээбит киһи кыыһа кэпсээбитинэн, аҕата дьиэтин  подъеһыгар киирбитигэр кимэ биллибэт киһи саба түспүт.  Сирэйгэ сырбатан баран  хармааннарын хаһан, 700 солк. уорбут.

Холуобунай ирдэбил үлэһиттэрэ суһал-ирдиир үлэ кэмигэр буруйдааҕы тута  булбуттар. Ол курдук хаста даҕаны сууттана сылдьыбыт 40 саастаах Усуйаана олохтооҕо эбит.

Оперативниктар быһаарсан билбититтэрэ бу киһи өссө биир халабырга сыһыаннаах эбит. Ол курдук эр киһи бастакы халабырын кэнниттэн арыгы атыылаһаары маҕаһыыҥҥа тиийбит.  Ол эрээри кини баҕарар арыгытын атыылаһарыгар харчыта тиийбэтэх. Маҕаһыыҥҥа туран биир атыылаһааччы кини баҕарар буоккатын атыыласпытын көрбүт. Инньэ гынан атыылаһааччыны  сырсан тахсан, ким да суох сиригэр тиийэн кэнниттэн саба түспүт.  Сиргэ охторон баран, арыгылаах суумканы былдьаабыт. Эмсэҕэлээччи 67 саастаах биэнсийэлээх эбит.

Билигин 40 саастаах эр киһиэхэ холуобунай дьыала көбүтүлүннэ.