Икки эр киһи быһаҕынан анньыллан балыыһаҕа киирбит

Саха сиригэр суукка устата 7 буруйу оҥоруу бэлиэтэннэ. Бу туһунан СӨ Борокуратуурата иһитиннэрэр.

Доруобуйаҕa ыар эчэйиини оҥоруу үс түбэлтэтэ бэлиэтэннэ. Ол курдук, Дьокуускай куоракка быһаҕынан анньыллан, 2002 с.т. эдэр киһи балыыһаҕа киирдэ.

Дьокуускай куоракка балыыһаҕа чөмчөкөтүн уҥуоҕа тостон, 1984 с.т. эр киһи киллэрилиннэ.

Анаабыр улууһугар быһаҕынан анньыллан, 1978 с.т. эр киһи балыыһаҕa киирдэ.

Алдан улууһун олохтооҕуттан албыннаан 301 400 солкуобайы уорбуттар, Жатай бөһүөлэгэр «Тойота Марк 2» массыынаны күрэпиттэр, оттон Дьокуускай куоракка наркотигы сокуоннайа суохтук эргиниигэ сыһыаннаах буруйу оҥоруу тохтотулунна.

Дьокуускай куоракка уонна Горнай улууһугар тахсыбыт үс суол быһылаанын туһунан иһитиннэрилиннэ, ол түмүгэр 4 киһи эчэйбит. Чуолаан, Хатас сэлиэнньэтин таһыгар 2005 уонна 2006 с.т. икки матасыыкыл суоппардара ситэн куотаары «УАЗ-330365» массыына бырысыабын кытта харсыспыттар. Саахал түмүгэр матасыыкыл суоппардара эчэйэн, балыыһаҕа киллэриллибиттэр.

Суукка устата 11 суоппар итирик туруктах уруулга олорон тутуллубут.