Икки киһи эчэйиилээх суол быһылаана таҕыста

Балаҕан ыйын 21 күнүгэр 02:50 ч. саҕана Мэҥэ Хаҥалас улууһугар «Халыма» федеральнай суол 104 км дьон эчэйиилээх суол быһылаана таҕыста.

Барыллаһын быһыытынан, 1982 с.т.  «Тойота Королла»  массыына суоппара уруулун кыайан туппакка, суолтан тахсан түҥнэстибит.

Суол быһылаанын түмүгэр суоппар уонна  1983 с.т. пассажир дьахтар араас эчэйиини ыланнар Мэҥэ Хаҥаластааҕы киин балыыһаҕа илдьиллибиттэр.

Саахал тахсыытын төрүөтүнэн күн-дьыл туругун учуоттаабакка суоппар аһара түргэнник айаннаабытыттан  буолуон сөп.