Дьокуускайга икки киһи өлбүт баһаар төрүөтэ быһаарыллар

«Дьокуускай куорат» КУо Сыырдаах сэлиэнньэтигэр Мир уулуссаҕа турар чааһынай дьиэ умайбытын туһунан иһитиннэрбиттэр. Бу туһунан ЫБММ пресс-сулууспата иһитиннэрэр.

Уоту умуруорууга баһаарынайдар 35 уонна 36 саастаах эр дьон өлүктэрин булбуттар. Баһаар кэмигэр дьиэ 80 кв.м. иэнэ уокка былдьаммыт. Тутуу баһаарынай сигнализацията да, иһитиннэрэр тиһигэ да суох эбит. Уоту умуруорууга 10 киһи уонна 2 тиэхиникэ тардылллыбыт. Буруйдаах, баһаар төрүөтэ быһаарыллар.