Анивера Акимова хаартыскаҕа түһэриитэ
Бэҕэһээ «Сайсары» бааһынай ырыынагар таарыйан аастым. Сарсыарда эрдэ буолан, атыылааччы да, атыылаһааччы да аҕыйах.
Киирии аантан балык атыылааччылар тураллар. Соботтон саҕалаан уомулга тиийэ, балык арааһа элбэх. Эдьигээн собото диэн сүүнэ улахан балыгы биир дьахтар атыылыы турар. Биир устууката икки киилэттэн тахса диир. Сыаната — 600 солкуобай. Бачча улахан амтана, минньигэһэ суох буолуо диэбиппэр: «Аһара минньигэс, эмис бөҕө», — диир. Итиччэ улахан собону киһи туох иһиккэ буһарара эбитэ буолла?!
Кэбээйи, Уус Алдан собото кээмэйиттэн көрөн сыаната араастаһар. 200-тэн 380 солкуобайга диэри баар.
Ыраастаммыт бэлэм чыыры киилэтин 1300 солк. атыылыыллар. Улахан кээмэйдээҕэ — 1600 солк.
Эт атыылааччы аҕыйах. Убаһа этэ сыаната түстэ диэн биир атыыһыт этэр. Суруллубут сыанатыттан 1600 солк. диэри чэпчээтэ диир. Ынах этэ киилэтэ 700 солк. саҕаланар.
Убаһа хаана — 2000 солк., ынах хаана -700 солк., ынах иһэ киилэтэ — 500 солк. Тоҥ үүт — 150 солк.
2026 сыл олунньутугар сорох категорияҕа киирэр биэнсийэлээхтэр биэнсийэлэрэ үрдүүрэ күүтүллэр. Сорох дьоҥҥо биэнсийэ улаатыыта 29%…
Бүгүн таҥха саха итэҕэлэ дуу, атын омук үгэһэ дуу диэн үөрэтэ, мөккүһэ барбакка, таҥхаҕа сыһыаннаах…
...Болдьоспут чааспытыгар Дьокуускай куорат 203-с түөлбэ биир дьиэтин аттыгар Николай Софронеевтыын көрүстүбүт. Сыалым-соругум - өрүс ойбонугар сөтүөлээһини сырдатыы. Сэһэргэһээччим бэрт сылаастык үллүнэн…
Чыычаахаптар олорор сирдэрэ бөһүөлэктэн үс биэрэстэ тэйиччи. Ыал аҕа баһылыга Куонаан “Сардаҥа” пиэрмэҕэ уу баһааччынан…
СӨ Ил Дархана Айсен Николаев үгэс курдук Кириһиэнньэ сөтүөтүгэр кытынна. Бырааһынньыктааҕы литургия кэнниттэн кини арчыламмыт…
Кытай туристарын эспэдииссийэтэ бу күннэргэ этэҥҥэ Анаабыр сиригэр үктэннэ. Кытайдар сүрүн соруктарынан Анаабыр улууһун саамай…