Дьокуускай куоракка икки күннээх Оһуокай күрэҕэ үрдүк таһымнаахтык түмүктэннэ. Саха сирин Дархан этээччитэ Лариса Николаевна Иванова 60 сааһыгар аналлаах Оһуокай өрөспүүбүлүкэтээҕи күрэҕэ үрдүк таһымнаахтык ыытылынна.
Бу күрэххэ 12 улуустан 57 кыттааччы кэлэн кытынна. Эдэрдэртэн саҕалаан 80-гар диэри саастаах этээччилэр кытыннылар. Быйылгы күрэх уратытынан, Дархан этээччилэр, саҥа этээччилэр уонна идэтийбит этээччилэр диэн тус туспа бөлөҕүнэн арахсан эттилэр. Маны сэргэ бүлүүлүү уонна илин эҥэр этээччилэрэ бэйэлэрин түөлбэлэринэн этэ үөрэммиттэринэн күрэхтэстилэр. Иккис күҥҥэ финалга талылан киирэн эттилэр. Илин эҥэрдии этиигэ кылаан этээччи аатын Тааттаттан Афанасий Попов, бүлүүлүү этиигэ Дархан этээччи Үөһээ Бүлүүттэн Егор Егоров ылан, Лариса Николаевна дьиэ кэргэнин аатыттан анал чороонунан уонна отуттуу тыһыынча уу харчынан бириис ылан үөрдүлэр. Маны сэргэ үс бириистээх миэстэлэри саҥа этээччилэр, идэтийбит оһуокайдьыттар уонна Дархан этээччилэр тигистилэр. Үс миэстэ таһынан анал ааттары хас да этээччи ылан үөрүү үтүмэнин ыллылар. Лариса Иванова Ырыа Дьаархан бирииһигэр Сунтаар улууһун тэрилтэлэрэ, Ил Түмэн депутаттара А.Николаев, А.Постников, улуустааҕы культура управлениета, Дьаархан МТ нэһилиэгин дьаһалтата, Дьаарханнааҕы культура дьиэтэ, биирдиилээн дьон бу тэрээһини бириис туруоран өйөөтүлэр, 490 тыһыынча солкуобай суумалаах бирииһи туттардылар.
Лариса Николаевна 90-с сыллартан өрөспүүбүлүкэҕэ киэҥник биллэр этээччи. Хас да түһүлгэ кыайыылааҕа. Дархан этээччи. Лариса Николаевна үбүлүөйдээх түһүлгэтин күнүгэр, олунньу 22 күнүгэр икки игирэ хос сиэннэрэ күн сирин көрөн, үөрүүтүн үксэттэ.
Этээччилэр ортолоругар Лариса Николаевна айылҕаттан бэриллибит, талааннаах Дархан этээччи, ийэ, эбэ, хос эбэ буолар. Айыыһыт кэриэтэ ыраас майгылаах, элбэх эдэр этээччини иитэн-үөрэтэн таһаарбыт педагог оһуокайдьыт буолар.
Улуу тунах ыһыаҕы санатар уйгулаах оһуокайтан бары астынан тарҕастыбыт.
Марта Николаева
Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна. Бүгүн ааҕааччыларбытыгар…
Уус Алдаҥҥа Бэрт Ууһугар (баһылык И.П.Ильин) нэһилиэккэ дьоҥҥо-сэргэҕэ тиэйэргэ диэн анаан муус ылан бэлэмнээн кэбиһэр үтүө үгэстээхтэр.…
81 сыл буолан баран, эһээтин уҥуоҕун булбут байыас Валерий Петровка байыаннай сулууспа диэн тус…
Бүгүн субуота, сынньалаҥ үтүө күнэ. Ыксаабакка, сүүрбэккэ-көппөккө, дуоһуйа сынньаныҥ. Чугас дьоҥҥут аттыгар буолуҥ, сүрэххит этэрин…
Бу күннэргэ күн-дьыл туруга хайдаҕый? Соҕуруулуу-арҕаа, илин улуустарга, Халымаҕа, Өймөкөөҥҥө кыра хаардаах буолара күүтүллэр. Арктика…
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…