Александр Тарскай хаартыскаҕа түһэриитэ
Туймаада хочотун Үс Хатыҥ оһуокайа үрдүк таһымнаахтык ааста. Кыайыыны түстүүр алгыс тыллаах, күн эргиирдээх оһуокайа мэндэл маҥан халлааҥҥа тиийэ дьүрүһүйдэ.
Быйыл Сунтаартан, Хаҥаластан, Бүлүүттэн, Намтан, Тааттаттан оһуокайдьыттары сэргэ, Мэҥэ Хаҥаластан элбэх этээччилээх улахан делегация киирэн көрү көҕүлүттэн тутта. Күнүс 2 чаастан күн тахсыар диэри оһуокай тохтоло суох барда. Иккис күн көҥүл оһуокай эмиэ көхтөөхтүк барда. Сайыҥҥы сырылас куйааһа да сатыылаатар, алгыстаах түһүлгэттэн күүс-уох ылан, этээччилэр, батыһааччылар тулуйдулар, барыта этэҥҥэ ааста.
Икки күннээх күрэх түмүгүнэн саамай чыпчаал Гран при бирииһи Бүлүүттэн Федора Донская ылла уонна Дархан этээччи аатын ылла. Бастакы миэстэни Дархан этээччи Станислав Иванов, иккис миэстэни Тааттаттан Афанасий Попов, үсүһү Антонина Алексеева ыллылар. Бу этиллибит кыайыылахтарга куорат мээрийэтин харчынан сертификата ананна.
Бары кыттааччылар күрэх ирдэбилин толору арыйбыттарынан, уоннуу тыһыынчалаах тэрилтэлэр сертификаттарынан наҕараадаланнылар.
Быйыл хайа да сыллааҕар бииртэн биир чаҕылхай талааннаах, кылыһахтаах куоластаах, хомоҕой хоһоонноох эдэр этээччилэр бааллара үөртэ. Этээччилэр Кыайыыны түстүүр үтүө тылы этэн туран,байыастар бары этэҥҥэ төннөллөрүгэр көрдөстүлэр.
Оһуокайга Ил Дархан Айсен Сергеевич Николаев кэлэн үҥкүүлэстэ.
Марта Николаева
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…
Бу күннэргэ саамай кылгас, хараҥа, тымныы күннэр тураллар. Аҕыйах хонон баран, күммүт кутуйах хаамыытынан уһаан…
Ахсынньы 19 күнүгэр түүн Дьокуускай куоракка Ленин проспегар турар дьиэ биир кыбартыыратыгар уот турбут. Буруонан…
Арассыыйа Бэрэсидьиэнин Владимир Путин быһа лииньийэни кытта холбоһуктаах улахан пресс-кэмпириэнсийэтэ Москваҕа Гостинай дворга буолуоҕа. Бу…
Кэлэн иһэр саргылаах Саҥа дьылынан ытык-мааны сахам дьоно! Уһук хоту дьааҥы үрэх үрдүгэр турар Усуйаана…
Саха сирин экологияҕа министиэристибэтин сылы түмүктүүр мунньаҕар “Зеленый четверг” экология бырайыагын тэнитиигэ стратегическай сиэссийэ буолла.…